Novas DAG

Amplíase o prazo de inscrición no Curso de creación de empresas de deseño

info@asociaciondag.org (Asociación Dag) — Mon, 23 Jan 2012 19:07:10 GMT

Ata o mércores, 8 de febreiro, estará aberto o prazo de inscrición no curso de creación de empresas de deseño impartido pola Escola de Organización Industrial (EOI) para darlles un pouco máis de tempo a todas as persoas interesadas para que presenten toda a documentación que se lles pide: solicitude de inscrición cos datos e asinada, 2 fotos, copia do DNI, copia do título académico especificado na solicitude inscrición, copia dun documento que acredite a situación laboral do candidato (IAE ou documento de pago á Seguridade Social como autónomo, tarxeta de demandante de emprego, certificado da empresa na que traballa...)

Dirixido a emprendedores de calquera sector de actividade que,
tendo unha idea de empresa e a través da información e tutela recibida nos cursos sexan capaces de levar a cabo o seu proxecto de empresa.

Os obxetivos que se plantexan son os de conseguir que os profesionais do sector deseño, saiban definir modelos de xestión empresarial que inclúan a xestión do deseño como un proceso estratéxico para achegar valor desde a conceptualización e desenvolvemento até a súa materialización, lanzamento e comercialización.

Descarga a solicitude e envíaa xunto con toda a documentación a info@asociaciondag.org:

David Dopacio falará sobre a infografía como ferramenta de representación no ciclo das #charlasnaDAG este mércores

info@asociaciondag.org (Asociación Dag) — Mon, 16 Jan 2012 12:12:33 GMT

O director da Área Multimedia de FrutoDS, David Dopacio, será o convidado este mércores dentro do ciclo das #charlasnaDAG que está a ter lugar na Trisca.

David Dopacio é deseñador industrial de profesión e está especializado en infografía fotorrealista de produtos e espazos. Tras cursar a carreira de Enxeñaría Técnica en Deseño Industrial na Universidade da Coruña, e despois de traballar no departamento de deseño do estaleiro Rodman, cofunda en 2006 o estudio de deseño de produto FrutoDS, que ten a súa sede en Pontevedra.

Na súa charla que leva por título A infografía como ferramenta de representación, David Dopacio ademais de explicar en que consiste a infografía, fará tamén un breve percorrido pola súa evolución histórica e polas súas aplicacións como ferramenta de representación para o deseño de produto, así como pola súa influencia en sectores coma o deseño gráfico, a publicidade ou o cine.

Ficha da 4º charla
Título: A infografía como ferramenta de representación
Deseñador convidado: David Dopacio, deseñador e socio fundador de FrutoDS desde o 2006
Hora: 19.00
Día: mércores, 18 de xaneiro de 2012
Lugar:
Centro sociocultural A Trisca
Corredoira das Fraguas, 92
15703 Santiago de Compostela

Entrada libre ata completar a capacidade da sala

A charla tamén se poderá seguir en streaming en: http://www.ustream.tv/channel/charlas-na-dag

Máis información en: info@asociaciondag.org

Comeza o seminario (R)evolution design

info@asociaciondag.org (Asociación Dag) — Fri, 13 Jan 2012 19:07:25 GMT

Esta mañan en Santiago deu comezo a primeira xornada do seminario (R) evolution design. Design thinking. Organizado pola DAG en colaboración con ENISA e a Escola de Organización Industrial (EOI), o seminario está orientado a implementación de novos sistemas e produtos de xestión e deseño innovador nas PEMES. Lembramos a todos os socios da DAG e interesados que poden asistir como ointes. O seminario finaliza mañan sábado día 14.

Podes atopar máis información sobre o seminario aquí.

Isaac Díaz Pardo (1920-2012)

info@asociaciondag.org (Asociación Dag) — Fri, 06 Jan 2012 17:05:06 GMT

Da man de seu pai, Isaac Díaz Pardo descubreu o deseño cando aínda a profesión non tiña nome coñecido neste país.

Da man de Luís Seoane descubreu que as formas podian ser galegas.

Soñou un océano de cerámicas que ocuparon os andeis das salas de estar, levando sinais de identidade aos espazos íntimos de todos os galegos.

No labirinto de Sargadelos, entre a brétema de Compostela, Isaac anda xa, de palique con Gropius, a preparar outro proxecto.

Isaac Díaz Pardo (1920-2012)

“Porque me deu a gana” Tributo a Isaac Díaz Pardo

info@asociaciondag.org (Asociación Dag) — Thu, 05 Jan 2012 17:05:04 GMT

Nunha das súas últimas aparicións públicas, co gallo do recoñecemento como Doutor Honoris Causa pola Universidade da Coruña, a presentadora do acto preguntoulle a Isaac polas razóns da súa coñecida renuncia á pintura e a conseguinte aposta persoal pola dimensión social do deseño. A súa resposta foi: "Porque me deu a gana". Nesa contestación encérrase sen dúbida parte da súa inmensa contribución ao noso país.

Claro é que detrás desa decisión hai un moito de reflexión lúcida, responsabilidade, compromiso social e renuncia persoal ás bondades vitais que a súa vida como artista plástico semellaba ofrecerlle naquel momento.

Polas moitas entrevistas que se lle teñen feito nos últimos tempos —nunca foron suficientes— sabemos do fastío que a Isaac lle provocaba verse coma un pintor aloumiñado pola burguesía e as elites do momento. O avoengo familiar e intelectual de Isaac era radicalmente oposto, e estaba fondamente enraizado nas ideas galeguistas e transformadoras —libertarias no seu caso— das Irmandades da Fala e do Seminario de Estudos Galegos.

Para os que agora estamos decotío ao pé do prelo, presenciando coa mesma fascinación de hai séculos como a tinta se imprime sobre o papel, imaxinalo a Isaac, aínda mozo, compoñendo e ilustrando os carteis do Estatuto do ano 36, e ao carón de homes coma o seu pai Camilo Díaz Baliño, Anxel Casal —paseados os dous— ou Castelao, fainos sentir nostalxia do país que puido ser e que non deixaron —ilexitima e violentamente— que fose.

O quefacer de Isaac no eido do deseño foi radicalmente visionario. O seu labor como intelectual —home de ideas— e empresario ten sido, en xustiza, recoñecido e admirado. Porén, no que a súa obra adquire connotacións en verdade singulares, e con certeza modernas, é cando se analizan as súas ideas sobre o deseño e se comproba a capacidade que atesorou para levalas a bo termo.

Dende un ollar máis amplo, en tempo e espazo, non limitado só ao contexto galego, a creación do Laboratorio de Formas xunto a Luís Seoane no ano 1963, e a súa consolidación posterior, supón, por varias razóns, un fito excepcional.

Nuns anos de absoluta e obrigada autarquía intelectual, que tanto Isaac coma Seoane asimilaran como fixeron as ideas transformadoras das vangardas de comezos do século XX, resulta, cando menos, sorprendente, e da boa conta do seu compromiso con Galicia. A incorporación decidida da dimensión social da modernidade ao ideario do Laboratorio de Formas —tal e como apuntaron no seu Manifesto— supón entroncar o conxunto das súas actividades nunha liñaxe intelectual, en moitos aspectos de plena vixencia, que vai dende as vangardas rusas, pasando pola Bauhaus, ata chegar á Escola de Ulm.

Se no momento actual a teoría e a historiografía internacional do deseño está revisando e recuperando os postulados da modernidade, despois duns anos de ambiguidade formal posmoderna , con certeza que Isaac e Seoane merecen estar nun lugar destacado nas historias sobre o deseño que se estean a escribir. A moi extensa producción de obradoiros, seminarios, cursos, conferencias e relatorios recollidos nos cadernos do Laboratorio de Formas, conforman, sen dúbida, o mellor crédito posible.

O caderno do seminario de estudos cerámicos de Sargadelos, escrito por Isaac en 1976 co título “Contribución de urgencia al entendimiento de los problemas de arte/industria” debería ser, aínda hoxe, de lectura obrigada en todas as escolas de deseño e arquitectura, galegas, e non só.

No Manifesto do Laboratorio de Formas, Isaac e Seoane, tamén anticipan e expoñen a necesidade de resolver, dende Galicia, algo que cincuenta anos despois segue ocupando moitos dos debates actuais sobre deseño: se o destino da humanidade é univocamente global, de qué maneira podemos seguir comunicándonos sen perder "os signos do noso sistema propio de expresión". Deste xeito nidio afirmaron que a linguaxe de formas herdadas dun territorio (artísticas, visuais, artesanais ou industriais) é un código de comunicación e entedemento entre persoas ao mesmo nivel que a fala ou a escrita, e cómo a súa perda, promovida polos intereses impostos do consumo obsolescente, nos inhabilita para poder ter unha voz propia e orixinal.

A actividade de Isaac, como empresario en Sargadelos e en Cerámicas do Castro, ao fronte do Seminario de Sargadelos, de Edicións do Castro, do Laboratorio de Formas, do Museo Carlos Maside ou do Instituo Galego da Información, é tamén unha celebración feliz do valor do colectivo, un relato sobre a esperanza e sobre a posibilidade de transformación da realidade por medio da acción, ademais dunha posta en valor, e unha demostración vital, da confianza nas capacidades do grupo e da reunión dos 'bos e xenerosos'.

E, sobre todas as cousas, quizais o valor do traballo de Isaac Díaz Pardo, mestre para todos os que deseñamos, resida, e máis no momento actual, na vontade de facer, de facer ben, "porque me deu a gana". E quixo, e fixo.

desescribir

Galicia, 5 de xaneiro de 2012

Na DAG non podemos empezar mellor o ano: dámoslle a benvida a unha nova socia, Rebeca Ces

info@asociaciondag.org (Asociación Dag) — Wed, 04 Jan 2012 10:10:26 GMT

Preséntome. Rebeca Ces. 1979. Noia. Publicidade e RR. PP. Pontevedra. Máster en deseño gráfico. Madrid. 5 anos traballando como creativa publicitaria e de eventos. Madrid. Curso de doutoramento en Belas Artes na Complutense. Madrid.

Volta á casa. Punto de inflexión... hai xa 4 anos, como pasa o tempo...

Despois dalgunha experiencia laboral máis no eido da publicidade, decidín reiniciar. Renovarse ou morrer, como se di. Gardar o portfolio nun caixón e volver ao punto de partida. Pensar. Pensar.

Conclusión: deixar a publicidade. Camiño: combinar deseño e xestión cultural. Máster en servizos culturais. USC.

Razóns? de todo tipo menos económicas ;): por intereses persoais; porque dalgún xeito xa o facía no meu tempo libre; porque fai que de vez en cando poidas despegarte do ordenador e tocar campo de traballo, persoas, aire, historias…; pero sobre todo porque cada proxecto require un proceso de investigación e documentación con temáticas apaixonantes ao tempo que che dá a posibilidade de coñecer xente que dá moito por moi pouco. Boa xente.

Como boa xente vou vendo tamén que hai na DAG. Xente interesada en que as cousas melloren, aos poucos, que é a única maneira. Xente á que lle custa non implicarse e coa que agardo poder traballar na mellora da profesión de deseñador en Galicia e facer visible a importancia social do noso traballo.

Agora? Pois aquí andamos... nesta agridoce aventura que é ser autónoma. Mantendo a premisa de traballar en proxectos culturais, e preparando proxectos propios... Pero iso xa mellor volo conto un día cunha caña na man :). Apertas.

Máis sobre ela en http://rebecaces.com/

#Probeta, un programa piloto de formación para deseñadores que combina deseño industrial, gráfico e web

info@asociaciondag.org (Asociación Dag) — Wed, 21 Dec 2011 08:08:39 GMT

Tres empresas de deseño: Cenlitrosmetrocadrado, Ekinocio e A navalla suíza, suman as súas forzas para sacar adiante Probeta, un programa de formación para deseñadores nada convencional.

Este é o seu particular xeito de loitar contra a rixidez burocrática do sistema de prácticas e tamén de dar resposta ás inquedanzas de xente nova coma Susana Ríos, a moza que lles lanzou o reto, e como non, a primeira seleccionada na edición deste ano.

Desde logo non se trata de prácticas ao uso porque:

1. As persoas seleccionadas non traballarán para as empresas, senón que o farán en proxectos persoais que combinen as tres vertentes do deseño (gráfico, industrial e web) nas que están especializadas cada unha das empresas participantes, que as asesorarán ao longo de todo o proceso.

2. As 64 horas de formación desenvolveranse en cada un dos tres estudios, de forma rotatoria: a primeira semana en Ekinocio, a segunda na Navalla suíza e finalmente a terceira en Cenlitrosmetrocadrado.

3. A cantidade simbólica que terán que pagar os participantes no programa de formación será 1 euro.

4. Os deseñadores beta terán a oportunidade de aprender do proceso de traballo real de tres estudios moi heteroxéneos, mentres que os profesionais poderán entrar en contacto con xente coa que poden traballar nun futuro e beneficiarse do intercambio ideas e experiencias cos que están iniciando a súa andaina profesional.

O prazo para inscribirse comezou o 1 de decembro e estará aberto ata o 6 de xaneiro.

Toda a información sobre o proxecto e inscrición en:

http://anavallasuiza.com/probeta/

(R)evolution design: Seminario para a implementación de produtos e servizos innovadores

info@asociaciondag.org (Asociación Dag) — Thu, 15 Dec 2011 16:04:39 GMT

A Asociación Galega de Deseñadores (DAG) organiza un Programa de Formación impartido pola Escola de Organización Industrial (EOI) dirixido a todas as persoas interesadas en crear actividade en calquera ámbito do deseño e a creatividade.

O Programa consiste nun Seminario de 16 horas de duración e un Curso que se celebrarán en 2012.

Obxectivos:
O obxectivo deste seminario é que as PEMES implementen novos sistemas e produtos de xestión e deseño innovador. En concreto, este seminario permitiralles:
- Descubriren ferramentas de xeración de modelos de negocio abertos baseados no Design Thinking, modelos que están sendo aplicados para xerar valor.
- Coñeceren casos de éxito no mundo do deseño.

Dirixido a:
Dirixido ás PEMES de calquera sector de actividade de ámbito nacional que teñan a necesidade de ser formadas en técnicas innovadoras en xestión nas súas empresas. PEMES ás que se lles faga chegar os produtos e servizos innovadores existentes, así como os recursos e apoios aos que poden acceder para a mellora e innovación das súas empresas.

Enténdese por profesionais do sector: deseñadores gráficos, de espazos, de moda, de experiencias, deseñadores industriais, de produtos, mobles, xoias, xoguetes, deseñadores de campañas publicitarias convencionais e dixitais, en definitiva, a profesionais do deseño ou da xestión que desexen ampliar os seus coñecementos no campo da xestión do deseño na empresa, profesionais de consultoras de deseño, de oficinas técnicas, de departamentos internos ou externos de deseño, así como empresas ou emprendedores de calquera sector de actividade con proxectos empresariais nos que a xestión do deseño sexa un elemento vital.

Matrícula gratuíta
(Curso cofinanciado polo Fondo Social Europeo, Ministerio de Industria, Turismo e Comercio e ENISA)

Límite máximo de alumnos: 30

Datas e horario:
13 e 14 xaneiro de 2012

Mañás de 10.00 h a 14.00 h
Tardes de 16.30 h a 20.30 h

A duración do seminario será de 16 horas lectivas.

Lugar de celebración:
Galería Sargadelos
Rúa Nova, 16
15705 Santiago de Compostela

Inscrición:
Data límite para formalizar a inscrición: 4 de xaneiro de 2012
Envía o formulario cos teus datos e a documentación a info@asociaciondag.org

Información:
Asociación Galega de Deseñadores (DAG)
Apdo. 2131
15780 Santiago de Compostela
info@asociaciondag.org

EOI, ESCOLA DE ORGANIZACIÓN INDUSTRIAL
informacion@eoi.es
www.eoi.es

Descarga a folla de inscrición:

Rías Baixas. Territorio gastronómico premiado cun Gourmand Cookbook Award España

info@asociaciondag.org (Asociación Dag) — Wed, 14 Dec 2011 20:08:27 GMT

A publicación Rías Baixas. Territorio gastronómico que coordina Uqui Permui e Marta Lucio e edita a Deputación de Pontevedra acaba de ser recoñecida co Gourmand Cookbook Award España na categoría de mellor libro de cociña local.

O libro descóbrenos a través das entrevistas de Manuel Gago e Jorge Guitián aos cociñeiros Alberto González de Silabario, Rafa Centeno de Maruja Limón, Iñaki Bretal e Roberto Filgueira de Eirado da Leña, Pablo Romero de Allo e Aceite, Pepe Solla e Xosé T. Cannas de Pepe Vieira, Yayo Daporta e Antonio Botana de Pandemonium e Javier Olleros de Culler de Pau, un territorio gastronómico e desvela algunhas das claves da cociña que se está a facer nas Rías Baixas neste momento. Ademais destas conversas, a obra recompila tamén textos divulgativos, receitas e as fotografías de Francesc Guillamet.

Este premio clasifica o libro para participar na final dos Gourmand Cookbook Award que en marzo se celebrará en París e que cada ano premia as mellores publicacións sobre gastronomía do mundo.

Temos un novo deseñador industrial na DAG, Marcelo Aldunce

info@asociaciondag.org (Asociación Dag) — Wed, 07 Dec 2011 12:12:35 GMT

Son Marcelo Aldunce, deseñador desde que teño memoria, aínda antes de ter conciencia de que é o deseño, para que serve e por que é tan importante para todos.

Estudei deseño en Chile, e exercín como deseñador e como docente alí durante varios anos antes de iniciar o meu periplo polo mundo, que comezou cun posgrao en Italia, e que logo dun máster e algúns anos traballando en Barcelona, me trouxo, felizmente, ata Galicia.

Son un deseñador xeralista, cunha visión do deseño centrada nas persoas, traballador obsesivo, detallista incorrixible, optimista por natureza e observador infatigable, teño a convicción de que desde Galicia se pode facer deseño de alto nivel.

Por isto é polo hai uns poucos meses, xunto con Inés Fernández, nos aventuramos a fundar Imbris, un estudio de deseño desde o que pretendemos traballar de maneira seria, pero tamén pasalo ben, porque realmente gozamos co que facemos e de todas as cousas ás que nos podiamos ter dedicado, é o deseño o que realmente nos apaixona.

Miramos todo o que nos rodea coma se fose a primeira vez, non damos nada por sentado e divertímonos cuestionándonos o porqué das cousas. Non entendemos os problemas como unha anomalía que resolver, senón como unha oportunidade para reformular as cousas e tratamos de facelo sen prexuízos e da maneira máis aberta posible.

Asocieime á DAG porque me parece unha excelente iniciativa, da unión e a colaboración xorde a forza e as boas ideas. Creo que o que move o mundo son as relacións interpersoais, e que mellor lugar para coñecer outros deseñadores, compartir experiencias, aprender do deseño en Galicia e colaborar co noso humilde gran de area, que na DAG.

Type in motion chega a Vigo

info@asociaciondag.org (Asociación Dag) — Fri, 02 Dec 2011 17:05:56 GMT

Desde onte e ata o 1 de abril de 2012, pode visitarse na Fundación Barrié, Type in Motion, unha exposición do Museo do Deseño de Zúric que nos invita a descubrir a tipografía dinámica en todas as súas manifestacións: vídeos musicais, títulos de crédito, instalacións interactivas en tres dimensións... e que explora as últimas tendencias dentro do ámbito dos textos en movemento.

A mostra que está comisariada polo historiador da arte, arquitectura e cine, Andrés Janser, reúne 120 obras de máis de 80 deseñadores distintos organizadas en seis áreas temáticas: videoclips, curtametraxes, anuncios, gráficos animados, espazo público e largometraxes.

De xeito paralelo á exposición, está prevista a realización de varios obradoiros destinados a escolares que queiran experimentar e xogar coa tipografía e outro, para profesionais do deseño, que baixo o título de Tipografía e interacción se desenvolverá no primeiro trimestre de 2012.

Todas as persoas interesadas en participar nestas actividades ou que queiran concertar visitas guiadas poden obter máis información no teléfono: 986 110 220.

Entrada gratuíta
Horario: de martes a domingo, festivos incluídos: 12.00-14.00 / 18.00-21.00
Lugar: Fundación Barrié
Policarpo Sanz, 31
36202 Vigo

Máis información en: http://www.fundacionbarrie.org/gl

#charlasnaDAG sobre retículas con Segundo Fdez

info@asociaciondag.org (Asociación Dag) — Mon, 28 Nov 2011 12:12:24 GMT

Este mércores, 30 de novembro, volven as #charlasnaDAG á Trisca. Desta volta, o deseñador que nos acompañará será Segundo Fdez, quen falará sobre retículas, un dos temas xunto a tipografía que máis lle interesan. Precisamente este interese é o que está detrás de proxectos persoais coma reticulas.com, por agora unha ferramenta desenvolvida baixo licenza Creative Commons que permite aplicar o concepto de retículas á construción de páxinas web mediante CSS.

Na charla ademais de facer un percorrido pola evolución do denominado esqueleto do deseño, polas súas partes e polos distintos tipos de retículas en deseño gráfico e web, tamén dedicará un pouco de tempo a comentar a preferencia por este tipo de estruturas que amosan deseñadores e tipógrafos como Jose Müller-Brockmanan ou Jan Tschichold, e por estudios contemporáneos como Experimental Jetset ou La Mosca.

Segundo Fdez fundou en 2006 Sond3, xunto con Natalia Crecente e Diego Vilariño, un estudio localizado en Lugo e que desenvolve a súa actividade no ámbito do deseño gráfico, principalmente gráfica aplicada, identidade, editorial, e web. Un medio este último no que recentemente foron premiados polo xurado da II Bienal Iberoamericana de Deseño polo seu traballo para Hachedevisual.

Segundo tamén ten un blog, de nome Vidagrafica, centrado en temas de deseño, pero no que tamén se tocan cuestións relativas a outras áreas como ilustración, arquitectura, moda, fotografía, etc.

Ficha da 3º charla
Título: Retículas, o esqueleto do deseño
Deseñador convidado: Segundo Fdez, deseñador e socio fundador de Sond3 desde o 2006
Hora: 19.00
Día: mércores, 30 de novembro de 2011
Lugar:
Centro sociocultural A Trisca
Corredoira das Fraguas, 92
15703 Santiago de Compostela
Entrada libre ata completar a capacidade da sala

A charla tamén se poderá seguir en streaming en: http://www.ustream.tv/channel/charlas-na-dag

Máis información en: info@asociaciondag.org ou no teléfono 691 230 421

Descarga o programa completo de todas as #charlasnaDAG:

Conferencia de díez + díez en Sirvent

info@asociaciondag.org (Asociación Dag) — Fri, 25 Nov 2011 08:08:26 GMT

Tras a inauguración do espazo Sirvent coa charla-coloquio: O algodón non engana do arquitecto Alfonso Penela, a seguinte cita na axenda será a conferencia de díez + díez o vindeiro mércores, 30 de novembro, ás 20.00 h.

Ademais da conferencia, poderase visitar unha exposición que baixo o título de Epigramas reúne obxectos do estudio, a medio camiño entre o deseño e a arte contemporánea, e que eles definen como curtocircuítos, chispazos artísticos libres de calquera carga conceptual.

Entrada libre

Lugar: Sirvent

Gran Vía 129
36204 Vigo España
T: +34 986 42 44 22 · F: +34 986 42 04 28
COORDENADAS: 42° 13' 22.93'' N · 8° 43' 28.61'' W
sirvent@sirventvigo.com

Vídeo mapping na EASD Pablo Picasso

info@asociaciondag.org (Asociación Dag) — Wed, 23 Nov 2011 14:02:09 GMT

A Escola de Arte e Superior de Deseño Pablo Picasso da Coruña presenta mañá xoves, día 24 de novembro, unha conferencia sobre vídeo mapping e mais un obradoiro que se desenvolverá os días 24 e 25, e que contará coa presenza de Mario Jiménez, colaborador na exitosa proxección do 800 centenario da Catedral de Santiago.

A conferencia versará sobre a súa traxectoria profesional e tamén sobre a súa experiencia no mundo laboral, e en concreto no vídeo mapping, isto é, a proxección audiovisual sobre arquitectura, que exemplificará co caso da Catedral de Santiago de Compostela.

O obradoiro consistirá na presentación e axustes previos dunha proxección sobre unha arquitectura efémera ata conseguir unha máscara ou patrón sobre o cal poder traballar, e os asistentes terán que elaborar contidos audiovisuais para a súa proxección e verificación.

Horarios
xoves, 24 de novembro
12.00 a 14.00 h: Conferencia (aberta a todo o público)
16.30 a 20.30 h: Taller
venres, 25 de novembro
09.00 a 14.00 e 16.30 a 19.00 h: Taller

Lugar: EASD Pablo Picasso
Os pelamios 2
15001 A Coruña

Máis información en: EASD Pablo Picasso
Mail: prensa.easdpp@gmail.com
Teléfono: 981 225 396

Doli, doli, doli... coas conserveiras estará en Cineuropa

info@asociaciondag.org (Asociación Dag) — Fri, 18 Nov 2011 15:03:37 GMT

Doli, doli, doli... coas conserveiras. Rexistro de traballo, o documental producido por [sic], unha división do estudio de deseño gráfico e comunicación uqui ||||| cebra, é unha das obras seleccionadas dentro da sección Panorama Audiovisual Galego da 25 edición do Festival de Cineuropa que desde o 9 de novembro e ata o 2 de decembro se desenvolve en Santiago de Compostela.

O documental regresa deste xeito ao CGAC, a sala na que se presentara o pasado 21 de maio, despois dun longo periplo polas salas do Marco, Normal ou CGAI e por festivais coma o Festival de Films de Dones de Barcelona ou Xociviga, as Xornadas de Cine e Vídeo en Galicia.

A cinta, con guión, dirección e realización de Uqui Permui, reflicte a loita iniciada polas traballadoras da fábrica de conservas de Odosa, na illa de Arousa, cando a raíz do peche da conserveira na que traballaban saen a luz as numerosas irregularidades laborais ás que estiveran sometidas e se descobre que nin sequera existían testemuños documentais do traballo realizado na fábrica, nalgúns casos ao longo de máis de trinta anos.

Día: xoves 24 de novembro
Hora: 21. 15
Lugar: Centro Galego de Arte Contemporánea (CGAC)

Enlace á ficha do documental na páxina do festival: Doli, doli, doli... coas conserveiras

Máis información en: [sic]

Designa 2011: A esperanza proxectual

info@asociaciondag.org (Asociación Dag) — Wed, 16 Nov 2011 08:08:12 GMT

Tomando como punto de partida, o clásico ensaio de Tomás Maldonado La esperanza proyectual, a conferencia anual de investigación en Deseño, Designa 2011, reflexionará sobre os problemas conceptuais e operativos formulados polo Deseño ao longo de dous días, 25 e 26 de novembro, na Universidade de Beira Interior.

O prazo de inscrición para asistir ás conferencias remata o 20 de novembro.

Máis información en: Designa 2011

18 de novembro, asemblea xeral de socios da DAG

info@asociaciondag.org (Asociación Dag) — Fri, 11 Nov 2011 18:06:44 GMT

Todos os socios da DAG teñen unha cita o vindeiro venres, 18 de novembro, en Santiago de Compostela. Para ese día, está convocada a asemblea xeral anual, que este ano, por mor dos proxectos nos que está embarcada a Asociación, se adianta un pouquiño. Non faltades e anotade na axenda todos os datos:

Día: venres, 18 de novembro
Hora: 18.15 h
Lugar:
Sala de conferencias (3º andar)
Centro sociocultural A Trisca
Corredoira das Fraguas, 92
15703 Santiago de Compostela

V Edición dos Premios Enor de Arquitectura

info@asociaciondag.org (Asociación Dag) — Wed, 09 Nov 2011 11:11:22 GMT

O próximo luns, 14 de novembro, terá lugar o acto de entrega dos Premios Enor que en cada edición distinguen as mellores obras de arquitectura construídas na Península Ibérica.

Durante a gala que se celebrará no Teatro NovacaixaGalicia de Vigo a partir das 20.00 h desvelaranse os premiados nas tres categorías: Gran Premio Enor á mellor obra da Península Ibérica, Premios Enor Galicia, Portugal, Castela-León e Madrid aos proxectos máis destacados en cada un dos seus respectivos territorios e o Premio Enor á mellor obra realizada por un arquitecto menor de 40 anos de entre todos os proxectos presentados ao certame.

Entre as 45 obras finalistas optan ao premio 8 obras realizadas en Galicia: o Centro de Saúde de Oleiros e o Hotel Moure en Santiago, realizados ambos por Ábalo Alonso arquitectos, a Casa A5 en Oleiros de Carlos Seoane, o Hotel Pazo de Altamira en Santiago, obra de Creus e Carrasco arquitectos, o PAAR. Parque arqueolóxico da arte rupestre de Campo Lameiro, de rvr arquitectos, a sede para Coag en Vigo e a praza do Pobo Galego de Irisarri+Piñera arquitectos, a Casa da Maxia (Ourense) de Trespes arquitectos e a reintegración urbana do patrimonio cultural da ribeira do Traba, a Pedra Chan, Noia, realizada por Salgado e Liñares arquitectos enxeñeiros. Este último ademais é un proxecto do que xa nos fixemos eco con motivo de Acción DAG, xa que da sinalización (sistema gráfico e solucións técnicas) se encargaran os socios da DAG, cenlitrosmetrocadrado, en colaboración coa arqueóloga e antropóloga Ana Filgueiras, a responsable do estudo antropolóxico inicial.

Todas as persoas interesadas en asistiren, poden poñerse en contacto co Grupo Ascensores Enor por teléfono, no número 986 251 000, ou enviando un correo electrónico ao enderezo comercial@enor.es. Os asistentes recibirán ao finalizar a gala o libro dos premios, un catálogo de 510 páxinas, deseñado por Desescribir, e que amosa en detalle as características arquitectónicas de todas as obras seleccionadas.

Os Premios Nacionais recoñecen a artesanía galega

info@asociaciondag.org (Asociación Dag) — Thu, 03 Nov 2011 08:08:25 GMT

Abofé que era moi difícil que este ano a artesanía galega non levase premio, sobre todo se temos en conta que había candidatos galegos nominados en todas as categorías dos Premios Nacionais. Arturo Álvarez (iluminación) optaba ao Premio Nacional de Artesanía, a zoqueira Elena Ferro Lamela estaba nominada ao Premio Produto e a Fundación Centro Galego de Artesanía e do Deseño. Dirección Xeral de Comercio da Xunta de Galicia, ao Premio Promociona para entidades públicas.

Finalmente e, como non podía ser doutro xeito, dous foron os galardoados galegos: a empresa Cerámica Regal de Viveiro, co Premio Promociona que recoñece a contribución das entidades privadas na promoción da artesanía, e a cesteira Idoia Cuesta, que recibiu unha mención na categoría Innova que premia os produtos que apostan pola innovación no eido da artesanía.

Máis información en: Premios Nacionais de Artesanía

#trends&creativity: deseño, creatividade e innovación

info@asociaciondag.org (Asociación Dag) — Mon, 31 Oct 2011 19:07:54 GMT

O deseño, a creatividade e a innovación serán os protagonistas da Trends&Creativity que se celebrará o vindeiro venres, 4 de novembro, na Cidade da Cultura en Santiago de Compostela.

As xornadas que promove o Clúster do Produto Gráfico e do Libro Galego e mais a Consellaría de Economía e Industria, nesta segunda edición divídense en dúas sesións: as mañás dos expertos e as tardes das boas prácticas, co fin de ofrecerlles aos asistentes unha visión do panorama da edición, o marketing e o social media, e presentarlles ademais casos prácticos de xestión de comunidades virtuais, iniciativas de éxito ou novas aplicacións.

A xornada do venres, 4 de novembro, desenvolverase de 09.30 a 14.00 e de 16.00 a 19.00 h e contará coa participación de:

Nas mañás dos expertos
- Antonio Almenara (@linkingheads). Linking Heads
- Rubén Anadón (@mrdelarge). Director de arte de DRAFTFCB e profesor da Elisava
- Borja Piñeiro (@BCD_barcelona). Técnico de Barcelona Centre de Disseny

Nas tardes das boas prácticas
- Modera Jaime Conde, director xeral de Quattro idcp (@jaime_conde)
- Iago Becerra, xefe de vendas en Bodegas Terras Gauda (@TerrasGauda)
- Cenlitrosmetrocadrado, estudio de deseño e comunicación de Santiago de Compostela (@Cenlitros)
- Ismael Faro, Duplo Studio

Como novidade nesta II edición, as Trends&Creativity incorporan á programación un obradoiro de carácter práctico sobre publicacións electrónicas o día 2 e o 3 de novembro, no que se abordarán temas como a maquetación, estrutura e estándares das ePub ou o emprego de formatos como mobiPocket ou Calibre.

Horario
Mércores 1 e xoves 2 de novembro
De 09.00 a 14.00 e de 16.00 a 21.00 (mércores)
De 09.00 a 14.00 (xoves)

Contidos
1. O libro electrónico
2. Creación de libros con procesadores de texto
3. Maquetación en Adobe InDesign
4. Estrutura e estándares
5. Outros formatos: PDF, mobiPocket, Calibre...
6. Conversión entre formatos
7. Diferenzas ePub e mobiPocket

As xornadas son abertas e de balde, previa inscrición.

Máis información en: II edición do ciclo Trends&Creativity

Os sábados no Macuf

info@asociaciondag.org (Asociación Dag) — Thu, 27 Oct 2011 08:08:14 GMT

Unha variada programación de cursos e talleres é o que nos oferta o Macuf para os sábados de outubro e novembro. E entre as opcións que nos propoñen están:

- Un obradoiro de cine impartido por Tonecho Otero, LUDIDÁCTICA. O taller, que se chama Criaturas Mutantes, trátase, en realidade, dun curso de cine de animación e efectos especiais que utiliza a técnica stop-motion/pixilation, e no que os participantes poderán aprender diversas técnicas de animación stop-motion (foto a foto), de efectos especiais e tamén iniciarse na edición de vídeo dixital con OpenShot Video Editor. Desenvolverase os sábados do 29 de outubro ao 26 de novembro de 2011 en horario de 11.00 a 14.00 h e o prazo de inscrición remata hoxe, 27 de outubro.

- Dous talleres de gravado a cargo de Isabel Pintado, un de iniciación, as mañás dos sábados do 5 ao 19 de novembro, e outro de técnicas aditivas, pero neste caso os venres pola tarde do 4 ao 25 de novembro. En ambos se admiten inscricións ata o 2 de novembro.

Toda a información sobre a matrícula, prezos, programa pódese consultar nos seguintes enlaces:

Curso Criaturas Mutantes

Obradoiro de Gravado. Iniciación

Obradoiro de Gravado. Técnicas Aditivas

VIII Encontro Galego de Ilustración

info@asociaciondag.org (Asociación Dag) — Tue, 25 Oct 2011 09:09:13 GMT

Este sábado 29 de outubro os ilustradores galegos reúnense en Santiago de Compostela no Encontro Galego de Ilustración que, como cada ano, organiza a AGPI.

O evento desenvolverase ao longo de todo o día. Pola tarde terá lugar a Asemblea Xeral da AGPI só para membros, pero durante a mañá as portas estarán abertas a todas as persoas que queiran participar, tal e como explican no convite que, moi amablemente, a AGPI nos fixo chegar. Así que xa sabedes, apuntade esta cita na axenda e velaquí tedes o programa de actividades por se lle queredes botar un ollo:

Programa

10.00 h Recepción

10.15 h Presentación do encontro

10.30 h Charla: A ilustración ante os novos tempos da profesión con Gemma Cortabitarte, xerente da APIC (Asociación Profesional de Ilustradores de Cataluña)

11.30 h Descanso

11.45 h Charla: entre dous, a obra conxunta
Xabier P. Docampo e Xosé Cobas falarán do proceso creativo conxunto entre escritor e ilustrador

13.00 h Mesa redonda: como convivir cos medios dixitais?
Participan Manuel Gago, director de Culturagalega.org e profesor de ciberxornalismo na USC, Manuel Bragado, presidente da AGE e director de Edicións Xerais, e modera Henrique Torreiro, xerente de FADIP.

Lugar: Fundación Novacaixagalicia
Rúa do Vilar, 19
15705 Santiago de Compostela

Máis información en: VIII Encontro Galego de Ilustración

Obradoiro de caligrafía árabe no Festival Amal 2011

info@asociaciondag.org (Asociación Dag) — Thu, 20 Oct 2011 12:12:36 GMT

O Festival Internacional de Cine EuroÁrabe Amal que organiza a Fundación Araguaney-Puente de Culturas, nesta novena edición, incorpora como novidade entre as súas actividades paralelas, un obradoiro de iniciación á caligrafía árabe.

Ihab Al Oumaoui, arqueólogo sirio e especialista en caligrafía árabe, será o encargado de impartir este taller que contará cunha parte teórica na que o profesor explicará as orixes e a historia da caligrafía árabe ata a actualidade e unha parte práctica na que os alumnos aprenderán o corte do Qalam, a preparar as tintas e o papel e poderán asistir a unha demostración do profesor con exemplos dos estilos tratados.

O custo da inscrición son 30 euros e inclúe o material necesario para a realización do taller. O obradoiro celebrarase este sábado 22 de outubro na Fundación Araguaney-Puente de Culturas (Montero Ríos 25-27, 15706 Santiago de Compostela) en horario de 10.00 a 14.00 h.

Podes consultar toda a información en Obradoiro de caligrafía árabe
Contacto e reservas: formacion@araguaney.com

Revival tipográfico. A herdanza suíza no século XXI

info@asociaciondag.org (Asociación Dag) — Mon, 17 Oct 2011 20:08:32 GMT

O ciclo das #charlasnaDAG continúa na Trisca e esta semana cunha protagonista moi especial: a tipografía, e en concreto, as tipos san serif. Para falarnos delas, da súa orixe, da súa época de esplendor co Estilo Suízo Internacional e tamén do fenómeno revival e das reinterpretacións posteriores estará Marcos Dopico, todo un especialista no tema, sobre o que recentemente publicou Arqueología tipográfica. La evolución de los caracteres de palo seco.

Ficha da 2º charla:
Título: Revival tipográfico. A herdanza suíza no século XXI
Deseñador convidado: Marcos Dopico, profesor de Deseño na Universidade de Vigo
Hora: 19.00
Día: mércores, 19 de outubro de 2011
Lugar:
Centro sociocultural A Trisca
Corredoira das Fraguas, 92
15703 Santiago de Compostela
Entrada libre ata completar a capacidade da sala

Máis información en: info@asociaciondag.org ou no teléfono 691 230 421

Descarga o programa das #charlasnaDAG:

A vida dos museos

info@asociaciondag.org (Asociación Dag) — Thu, 13 Oct 2011 14:02:18 GMT

Moita vida é a que se agocha entre as paredes dos museos e para comprobalo só fai falta botarlle unha ollada á oferta formativa, tanto do Marco coma do Macuf, para este outono. Unha ampla programación de entre a que queremos destacar hoxe dous obradoiros que comezan o 19 de outubro nos dous museos.

A proposta do Marco de Vigo leva por título: Unha aproximación á historia da arquitectura contemporánea, e está concibida para que ao longo de 23 sesións e da man de Ana Pereira, os participantes fagan un percorrido polos principais movementos e figuras da historia da arquitectura dos séculos XIX, XX e XXI, pero sen perder nunca de vista o xeito en que os cambios nas distintas ordes sociais (demográfica, técnica, ideolóxica...) foron repercutindo nos modos construtivos.

No Macuf será Jorge Couceiro o encargado de guiar a todas as persoas interesadas nunha viaxe desde o impresionismo ata os nosos días pola arte do século XX. Con este obradoiro preténdese aproximar o público non especializado aos cambios máis significativos experimentados na arte durante o século pasado e dar a coñecer tanto os artistas coma os movementos que os protagonizaron. Con este obxectivo, ademais das explicacións xerais, proxectaranse imaxes das obras máis relevantes de cada autor e comentaranse as principais características de cada unha.

A arte, aínda que só a producida nas últimas catro décadas será tamén a protagonista do obradoiro impartido por Juan de Nieves no Marco entre o 27 de outubro e o 10 de maio. Neste caso ademais, a abordaxe do fenómeno artístico será lixeiramente distinta porque a análise das prácticas artísticas máis relevantes do período farase en relación coa nova orde sobre a que estas se acomodan ou contra a que se revolven: os profundos cambios da institución (o museo e as novas estruturas temporais de validación), o rol do espectador e a influencia crecente dos novos axentes artísticos (cuxo máximo expoñente é a figura do comisario), ou a esfera pública como espazo de liberación.

Consulta toda a información sobre as actividades nos enlaces:

Unha aproximación á historia da arquitectura contemporánea

Viaxe a través da arte do século XX

Produción artística e cultural desde 1968 ata os nosos días

Unirede

info@asociaciondag.org (Asociación Dag) — Mon, 10 Oct 2011 11:11:36 GMT

A Asociación Adouspuntocero de profesionais dos medios sociais de Galicia, en colaboración coa USC organiza o foro unirede, o primeiro foro galego da web 2.0, este sábado 15 de outubro de 2011 na Facultade de Ciencias da Comunicación en Santiago de Compostela.

O foro ten como obxectivo favorecer o intercambio entre os distintos actores dos medios sociais en Galicia e difundir entre a sociedade as vantaxes e as posibilidades de desenvolver a web 2.0 nos diferentes sectores económicos da nosa comunidade.

Durante a sesión da mañá terá lugar unha master class sobre estratexias en social media do off ao on, a cargo de Fátima Martínez López, o relatorio sobre mobile social media de David Serantes e dous obradoiros sobre estratexias e operatividade nos social media con Juan José Romero e José Luis del Campo.

A sesión da tarde estará dedicada á exposición de boas prácticas e casos de éxito en Galicia no traballo coas redes sociais e mais ao desenvolvemento de varios obradoiros simultáneos sobre temas como intervención social, turismo e gastronomía, industria cultural e comunicación e tecnoloxía.

Máis información e inscricións en: http://forounirede.com/

Preséntase La ilustración gráfica en Galicia 1880-1936

info@asociaciondag.org (Asociación Dag) — Thu, 06 Oct 2011 12:12:33 GMT

O pasado martes presentábase no campus de Ourense La ilustración gráfica en Galicia 1880-1936. A publicación, que está coordinada pola catedrática María Victoria Carballo-Calero e Jorge Varela, é o resultado do traballo desenvolvido polo grupo de investigación AH2 do Departamento de Arte, Historia e Xeografía da Universidade de Vigo do que ambos forman parte e no que tamén participan Mercedes Bangueses, Susana Cendán, Ángel López, Marta Filgueira, Marta López e Roberto Vázquez.

A obra recompila 664 ilustracións que dan unha idea acerca de cal era panorama da ilustración gráfica en Galicia no período que vai de finais do XIX ata o estalido da guerra civil e ademais de na súa versión en papel, o inxente traballo de inventariado e catalogación dos fondos da ilustración galegos levado a cabo polos investigadores está accesible na web do proxecto: http://webs.uvigo.es/ilustracionengalicia/index.php

Con este libro e mais coa web, o grupo de investigación AH2 non só pretende contribuír á difusión das ilustracións dos libros galegos da época, senón tamén dar a coñecer o traballo e os nomes de todos eses profesionais implicados nas distintas vertentes do proceso de edición: ilustradores, editores, impresores, deseñadores, etc., sen o labor dos cales, as palabras dos escritores non terían visto a luz nunca.

Con motivo da publicación do libro, hoxe e mais o 10 de novembro, o Centro de Desenvolvemento Novacaixagalica acolle as xornadas Ilustración gráfica, imprenta e arte de vangarda. Nelas, o primeiro día Andrés Trapiello, poeta e escritor, falará sobre a Imprenta moderna. Tipografía e literatura en España, e Juan Manuel Bonet, escritor e crítico de arte, afondará nos Impresos de vangarda en España 1912-1936. O 10 de novembro seguiralle Valeriano Bozal cunha intervención sobre Ilustración gráfica e arte de vangarda.

Volve Fálame do teu

info@asociaciondag.org (Asociación Dag) — Tue, 04 Oct 2011 08:08:46 GMT

O ciclo de conferencias de creativos publicitarios que coordina Creatividade Galega e a Universidade de Vigo volve este outubro e novembro á Casa das Campás.

Nesta nova edición de Fálame do teu, a cita será os xoves ás 18.30 h e pola sede da Vicerreitoría do Campus de Pontevedra pasarán Oriol Villar, Rafa Soto, Álex Quintana e Carlos Rolando.

Cursos de formación permanente na Aula Tecnolóxica da Casa das Campás

info@asociaciondag.org (Asociación Dag) — Tue, 27 Sep 2011 09:09:40 GMT

A programación da Aula Tecnolóxica da Casa das Campás para o outono oferta cinco cursos que coordina e dirixe Alberto García Ariza:

Sketchup 8: modelado en 3D para todos, impartido por Lucía Fernández Constela
Datas: 3, 5, 6, 10, 11 e 13 de outubro
Prazo de matrícula entre o 23.09.11 e o 30.09.11

Introdución a programación creativa. Processing, con Alberto García Ariza
Datas: 7, 14, 21 e 28 de outubro e 4 e 11 de novembro
Prazo de matrícula entre o 26.09.11 e o 06.10.11

JClic: Creación de actividades educativas, que imparte Almudena Aparicio Andión
Datas: 18, 20, 25 e 27 de outubro e 3 e 8 de novembro
Prazo de matrícula entre o 10.10.11 e o 17.10.11

Servizos web 2.0 e blogging, a cargo de Diego Fernández Pérez
Datas: 14, 16, 18, 21, 23 e 25 de novembro
Prazo de matrícula entre o 4.11.11 e o 11.11.11

Deseño de páxinas web con recursos gratuítos, impartido por Lidia Mokonoko Malvido
Datas: 12, 14, 15, 19, 21 e 22 de decembro
Prazo de matrícula entre o 28.11.11 e o 09.12.11

O número máximo de prazas por curso son 20 e as actividades desenvolveranse sempre no mesmo horario todas: de 19.00 h a 21.00 h.

A inscrición é gratuíta e pode facerse a través da páxina da Aula de Posgrao Virtual: https://bubela.uvigo.es/bubela/publico/publico.php

Descarga o programa:

O domingo remata o prazo para presentar propostas para o Culturgal 2011

info@asociaciondag.org (Asociación Dag) — Thu, 22 Sep 2011 20:08:18 GMT

A cuarta edición do Culturgal, a gran festa da cultura galega na que o ano pasado participaron máis de 14.000 persoas, volve ao recinto feiral do Pazo da Cultura de Pontevedra os días 2, 3 e 4 de decembro.

A feira, que está organizada polas máis importantes asociacións do sector coa colaboración das empresas, dos artistas, dos colectivos e das institucións do gremio, é o escaparate ideal para presentar servizos, proxectos e ideas ante as empresas culturais galegas, un espazo de encontro no que coñecer e darse a coñecer.

Pódense presentar propostas de actividades para o Culturgal 2011 ata o 25 de setembro e a convocatoria está aberta a empresas, persoas, asociacións e outras entidades que queiran facer presentacións dos seus produtos, servizos, espectáculos, proxectos... Aínda que non é necesario que a empresa conte cun stand na feira para que a súa actividade sexa elixida para formar parte da programación, aquelas empresas cun posto de expositor teñen asegurada a presenza dunha actividade de presentación de proxecto ou produto, sempre dentro dos espazos e formatos preestablecidos.

Ademais, as empresas e entidades interesadas en contrataren un expositor, e que o fagan antes do 25 de setembro terán un desconto especial no prezo de contratación. Toda a información necesaria para realizar a contratación do espazo e para optimizar a presenza na feira encóntrase no Manual do expositor.

Consulta os enlaces á documentación relacionada:

Bases da convocatoria de actividades

Formulario de proposta de actividades

Manual do expositor

Formulario de contratación

#charlasnaDAG

info@asociaciondag.org (Asociación Dag) — Mon, 19 Sep 2011 16:04:41 GMT

Se algo caracteriza os deseñadores é a paixón pola súa profesión e as ganas de seguir formándose e de aprender. Compartir experiencias de primeira man é un dos mellores xeitos de adquirir coñecementos e de enriquecerse. Con este ánimo, comeza na DAG o ciclo de charlas #Charlas na DAG. Aparcamos por unhas horas as redes sociais para volver ao mundo real. Unha vez ao mes, un deseñador achegarase á sede da DAG na Trisca para, dun xeito directo, falar dos máis diversos temas: unha parte da historia do deseño que coñece ben, un proxecto no que gozou traballando, unha nova tendencia tipográfica ou un novo software de deseño poden ser unha boa escusa para que deseñadores, estudantes ou interesados na cultura do deseño actualicen os seus coñecementos.

O ciclo de conferencias inaugúrase este mércores, 21 de setembro, cunha charla do deseñador web, Óscar Otero, de título A web dos deseñadores na que falará sobre a evolución da web nestes vinte anos de vida e repasará os principais cambios experimentados desde a súa aparición.

Ficha da 1ª charla:
Título: A web dos deseñadores
Convidado: Óscar Otero, deseñador e socio en A navalla suíza
Hora: 19.00
Día: mércores, 21 de setembro de 2011
Lugar:
Centro sociocultural A Trisca
Corredoira das Fraguas, 92
15703 Santiago de Compostela

Máis información en: info@asociaciondag.org ou no teléfono 691 230 421

As charlas serán sempre un mércores de cada mes ás 19.00 h. A entrada é libre e aínda que desde a web da DAG iremos informando puntualmente de todas as actividades, no programa en PDF xa podedes consultar a programación completa deica final de ano.

Subvencións para o fomento da propiedade industrial en Galicia e a súa tramitación

info@asociaciondag.org (Asociación Dag) — Tue, 13 Sep 2011 16:04:44 GMT

O pasado 26 de xullo de 2011 a Consellaría de Economía e Industria publicou no DOG as bases reguladoras para a concesión, en réxime de concorrencia non competitiva, das subvencións para o fomento da propiedade industrial no ámbito da comunidade autónoma de Galicia, cofinanciadas polo Fondo Europeo de Desenvolvemento Rexional (Feder).

Na convocatoria para este 2011 están previstas axudas ás empresas para a protección das invencións desenvolvidas por empresas en Galicia, así como para a protección dos deseños industriais creados polas empresas galegas ou para o rexistro de signos distintivos que vaian utilizar para a comercialización dos seus produtos.

Con este apoio financeiro, a Consellaría pretende contribuír á equiparación da actividade rexistral do tecido empresarial galego co resto do Estado español e, consecuentemente, á mellora das condicións de competitividade de Galicia.

O prazo de presentación de solicitudes remata o 15 de novembro, pero ata o 30 de setembro e con motivo da Campaña Marcas 2011 que o despacho de Zoila Gulín acaba de poñer en marcha, os socios da DAG poden beneficiarse de prezos especiais nas solicitudes de marca española e comunitaria. As tarifas aplicables serían as seguintes:

Marca española
Solicitude (inclúe 1 clase): 350 euros (+IVE)
Cada clase adicional: 120 euros (+IVE)
Marca comunitaria
Solicitude (inclúe ata 3 clases): 1500 euros (+ IVE)
Cada clase adicional: 180 euros (+IVE)

Ademais, só durante este período xestiona sen cargo adicional as axudas de propiedade industrial correspondentes ás marcas solicitadas dentro da campaña. Estas subvencións a fondo perdido cobren o 70% dos gastos derivados da tramitación de marcas e outros títulos de propiedade industrial, e poden ser beneficiarias as empresas de carácter privado establecidas en Galicia.

Datos de contacto de Zoila Gulín:
Praza de Santo Domingo 5, 3º
27001 Lugo
Teléfono: 34 617 281 335
Mail: zgulinb@avogacia.org

Consulta toda información no enlace á páxina da Consellaría de Economía e Industria

Convocatoria de participación no 2º Congreso Internacional de Deseño e Innovación de Cataluña

info@asociaciondag.org (Asociación Dag) — Wed, 07 Sep 2011 16:04:15 GMT

A Escola Superior de Deseño (ESDi) acaba de lanzar unha convocatoria de participación para que todas as persoas interesadas en presentar un relatorio no 2º Congreso Internacional de Deseño e Innovación de Cataluña envíen as súas propostas.

O congreso celebrarase os días 26 e 27 de abril de 2012 en Sabadell baixo o lema O deseño: motor de competitividade e ata o 15 de outubro de 2011 admítense propostas de relatorios sobre algunha das nove liñas temáticas posibles:

1.    A utilización de novas tecnoloxías na creatividade e no deseño
2.    Metodoloxía do deseño (Design Thinking)
3.    A importancia do deseño como factor de competitividade
4.    A responsabilidade coa conservación medioambiental: o ecodeseño
5.    Deseño para o desenvolvemento local
6.    Deseño centrado nas persoas (User Centered Design and Design for All)
7.    Retos pedagóxicos na formación de deseñadores
8.    Estratexias de marca (branding)
9.    Deseño de interfaces e de interactividade

As propostas xunto cun resumo de 500 palabras deben remitirse ao enderezo electrónico congres@esdi.es indicando claramente o título do relatorio, o autor(es) coa súa filiación e a liña temática escollida.

O 17 de outubro de 2011 o Comité do programa comunicará cales son as propostas aceptadas e os seleccionados terán de prazo ata o 15 de xaneiro de 2012 para enviar os seus relatorios. Os relatorios poderán presentarse en inglés, español ou catalán.

Información sobre o 1º Congreso Internacional de Deseño e Innovación de Cataluña: http://www.esdi.es/cidic/

Descarga a convocatoria de participación:

Cursos de creación de videoxogos, creación de webs para dispositivos móbiles e streaming de vídeo e audio no Centro Multimedia de Galicia

info@asociaciondag.org (Asociación Dag) — Fri, 02 Sep 2011 09:09:05 GMT

Tras as vacacións, o Centro Multimedia de Galicia retoma a súa actividade en setembro con tres novos cursos gratuítos que se enmarcan dentro do seu programa de formación multimedia e audiovisual para o 2011:

Curso de creación de videoxogos (setembro)
8 horas presenciais + 22 de traballo on line
Inscricións ata o 12 de setembro de 2011
Comezo da actividade: 26 de setembro de 2011

Profesor: Carlos Fernández
Carlos Fernández leva 15 anos deseñando e producindo videoxogos para Wii, PS3, PC, iPad, iPhone, máquinas deportivas, etc., ademais de coordinar proxectos de I+D con varias empresas, centros tecnolóxicos e universidades españolas. A esta experiencia súmase a de director técnico e de animación en producións cinematográficas en 3D con Continental Producciones e a de guionista de produción audiovisuais e videoxogos. Ademais, Carlos Fernández deseñu e dirixiu o primeiro videoxogo galego para Wii, My Fireplace, número 1 en vendas en España e top ten nos mercados estadounidense e europeo.

Programa
- Historia dos videoxogos (30 anos de produción internacional e galega)
- Como é o proceso de produción dun videoxogo
- Características dun equipo de desenvolvemento de videoxogos. Que debo estudar?
- As plataformas e a distribución
- A programación
- Apartado gráfico (deseño, 3D ou 2D, animación, etc.)
- A xogabilidade e a "chispa" dun videoxogo
- Canles de comercialización accesibles para proxectos independentes

Requisitos
Requírese formación previa nalgunha das facetas propias da produción de videoxogos: programación, deseño gráfico, modelado, animación, efectos especiais, texturas, guión, efectos de son, composición musical, localización, etc.

Curso de creación de webs para dispositivos móbiles (outubro)
8 horas presenciais + 22 de traballo on line
Inscricións ata o 10 de outubro de 2011
Comezo da actividade: 24 de outubro de 2011

Profesor: Carlos García García
Carlos García conta con máis 12 anos de experiencia traballando para empresas nacionais e internacionais no ámbito do desenvolvemento de aplicacións web e posúe posibles amplos coñcementos en temas de accesibilidade ou usabilidade web. É ademais membro da xunta directiva de EGANET, asociación de empresas galegas de novas tecnoloxías, e foi docente no Máster en telemática da Universidade da Coruña.

Programa:
- Deseño para plataformas móbiles. Entendendo por que é diferente e deseñando de xeito efectivo para os principais dispositivos: iPhone, Android e RIM Blackberry
- Estado actual e convivencia de aproximacións
- Elixindo unha estratexia para o deseño
- Diferenzas entre as plataformas principais
- Deseño web práctico seguindo os estándares
- Creando o noso primeiro sitio web móbil
- Estándares de construción e deseño orientados á web móbil
- Deseñando para distintos dispositivos
- Creación dun sitio web e publicación deste
- Elementos multimedia na web móbil

Requisitos:
- Ter coñecementos de desenvolvemento de web tradicional con HTML e estilos
- Comprender a diferenza entre contido e visualización, e ter experiencia no deseño sen táboas

Curso de streaming de audio e vídeo (novembro)
8 horas presenciais + 22 de traballo on line
Inscricións: ata o 7 de novembro de 2011
Comezo da actividade: 21 de novembro de 2011

Profesor: Miguel Anxo Gómez
Miguel Anxo Gómez é profesor administrador na Aula de Formación de Adultos do Concello de Oroso con máis de 10 anos de experiencia en formación e teleformación. É ademais fundador de Allticnor SLNE, empresa de servizos TIC e produción audiovisual.

Programa
- Introdución ao streaming
- Formatos específicos de vídeo e audio para a tecnoloxía streaming
- Diferentes usos do streaming: radio e TV por Internet
- Coñecemento e uso de diferentes plataformas existentes
- Ferramentas necesarias para instalar e configurar un servidor de streaming

Requisitos
É preciso ter coñecementos medios de informática e ter algunha experiencia no manexo de ferramentas informáticas de edición de vídeo.

Máis información e matrícula en: http://www.cmg.xunta.es/of_cursosonline.php

Consulta a ficha dos cursos:

II Encontro Nacional de Tipografía na Universidade de Aveiro

info@asociaciondag.org (Asociación Dag) — Mon, 29 Aug 2011 10:10:34 GMT

O próximo 30 de setembro terá lugar a segunda edición do Encontro Nacional de Tipografía que organiza o Departamento de Comunicación e Arte da Universidade de Aveiro (DECA) a través do Centro de Estudos das Tecnoloxías e Ciencias da Comunicación (CETAC.MEDIA) e do Instituto de Investigación en Deseño Media e Cultura (ID+).

O encontro, que tenta constituírse nun centro de divulgación e de discusión sobre a investigación e o desenvolvemento tipográfico en Portugal, xirará nesta ocasión ao redor dos contextos de investigación e de aplicación, e nel participarán investigadores, alumnos e docentes de ensino superior, e tamén profesionais das industriais gráficas e dos medios dixitais. Entre todos eles, difundiuse hai meses unha convocatoria convidándoos a que enviasen comunicacións e pósters relacionados coas seguintes áreas temáticas: aplicacións multimedia interactivas, contextos audiovisuais, contextos web, deseño de tipos de letra, deseño de comunicación, deseño de produto, industrial e de ambientes, deseño editorial, dispositivos móbiles, historia e crítica e identidade.

O programa do día 30 inclúe dúas sesións para a exposición pública das comunicacións recibidas e unha sesión para a presentación de pósters de proxectos, un formato que permite expoñer achegas moi concretas sobre un tema representadas dunha forma moi gráfica sobre un soporte escrito que permite que se expoñan colgadas.

A edición deste ano conta ademais coa participación de dous oradores convidados internacionais:
O deseñador profesional de tipos e cofundador de webtype.com, Petr van Blokland, que tamén ensina Deseño Gráfico, Tipografía e Deseño de Tipos na Real Academia de Belas Artes de Hague e mais na de St. Joost Breda (Holanda) falará sobre a actualización dos deseñadores e sobre as estratexias para deseñar procesos de traballo. E o profesor de Deseño Gráfico na Universidade de Minnesota, Steven McCarthy, que centrará a súa conferencia na teoría e práctica da autoría da tipografía e deseño.

O prazo para inscribirse remata o 15 de setembro.

Máis información en:

http://entipografia.web.ua.pt/

A biblioteca de Francisco Mantecón no Marco de Vigo

info@asociaciondag.org (Asociación Dag) — Tue, 23 Aug 2011 09:09:32 GMT

A exposición Modelos de Ulm 1953-1968, da que xa nos ocupamos con motivo do Taller internacional de tendencias cerámicas 2011, non é a única cita expositiva que nos ofrece o verán galego. Por iso e por ser esta unha época especialmente propicia para o lecer, é que traemos agora á portada da DAG a Exposición Bibliográfica: Doazón da Biblioteca de Francisco Mantecón.

A mostra inaugurouse o pasado 27 de maio no Museo de Arte Contemporánea de Vigo e reúne unha selección de publicacións da biblioteca persoal do pintor e deseñador gráfico, Francisco Mantecón, doadas pola viúva do artista, Pilar Barreiro, á biblioteca do Marco.

Da escolma forman parte os fondos máis destacados da biblioteca Francisco Mantecón, pero tamén catálogos de bienais xa descatalogadas, libros sobre teoría social da arte e publicacións específicas sobre deseño gráfico, o que supón un aliciente máis para todos aqueles interesados en explorar e profundizar nas múltiplas facetas desta figura sobranceira no ámbito das artes plásticas e do deseño en Galicia.

A exposición permanecerá aberta ata o 14 de outubro na Biblioteca-Centro de Documentación do Marco de martes a venres en horario de 11.00 a 14.00 da mañá e de 16.00 a 20.00 da tarde.

Dossier da mostra:

Bolsas do Politécnico de Milán, POLI.design, para deseñadores industriais

info@asociaciondag.org (Asociación Dag) — Wed, 17 Aug 2011 09:09:43 GMT

O Consorcio do Politécnico de Milán, POLI.design, convoca 20 bolsas destinadas a deseñadores industriais para a realización dos seguintes másteres en Italia:

1. Máster en enxeñaría de deseño industrial e innovación (5ª edición)
O máster forma deseñadores expertos, capaces de xestionar o desenvolvemento dun novo produto desde a idea ata a produción, cunha atención particular a aqueles aspectos tecnolóxicos, produtivos e de custos.

Data de inicio: novembro de 2011
Duración: 12 meses
Idioma das clases: italiano
n.º de bolsas: 5 bolsas, 4 do 25 % e 1 do 50%
Enlace ao programa: http://www.polidesign.net/mdspi

2. Máster en deseño industrial para a arquitectura (2ª edición), en colaboración con Giugiaro Architettura
A estrutura do máster pretende combinar a experiencia derivada de dous sectores de excelencia en Italia: o deseño e a produción de compoñentes para a industria da construción. Os estudantes adquirirán competencias específicas dentro do Deseño Industrial para a proxectación de produtos para a arquitectura que combinen a calidade estético-funcional coa eficacia produtiva, sexa en condicións industriais ou executivas. Todo dentro dunha óptica estudada para afrontar a evolución do sector e do mercado internacional.

Data de inicio: febreiro de 2012
Duración: 12 meses
Idioma das clases: inglés
n.º de bolsas: 5 bolsas, 4 do 25 % e 1 do 50 %
Enlace ao programa: http://www.polidesign.net/id4a

3. Máster en deseño de transporte e automóbil (4ª edición), en colaboración con Volkswagen Group
O máster forma deseñadores para afrontar temas complexos de proxectación para o sistema de mobilidade, analizando os aspectos tecnolóxicos e produtivos, así como as variantes ambientais, ergonómicas e de marketing.

Data de inicio: marzo de 2012
Duración: 12 meses
Idioma das clases: italiano e inglés
n.º de bolsas: 5 bolsas, 4 do 25 % e 1 do 50 %
Enlace ao programa: http://www.polidesign.net/cardesign

4. Máster en deseño de iates (11ª edición), en colaboración coa Universidade de Estudos de Xénova
O máster proporciona os instrumentos para xestionar un percorrido proxectual e construtivo dunha embarcación a vela e a motor.

Inicio: marzo 2012
Duración: 12 meses
Idioma das clases: italiano e inglés
n.º de bolsas: 5 bolsas, 4 do 25 % e 1 do 50 %
Enlace ao programa: http://www.polidesign.net/myd

As persoas interesadas deberán enviar o seu currículo antes do 20 de setembro a formazione@polidesign.net. A selección realizarase en función dos méritos dos candidatos.

Máis información no sitio www.polidesign.net/master ou chamando ao número +39 02 23995911.

O obradoiro experimental Cerámica e gastronomía de Sargadelos despídese cun encontro entre alumnos e deseñadores

info@asociaciondag.org (Asociación Dag) — Fri, 12 Aug 2011 09:09:30 GMT

Sargadelos pecha o seu obradoiro para explorar novas formas de pezas cerámicas para gastronomía cun encontro entre os alumnos do taller e profesionais de seis estudios de deseño de recoñecido prestixio.

A xuntanza tivo lugar no Castro, a fábrica que Sargadelos ten en Sada e na que se veu desenvolvendo a fase final do taller. Á cita acudiron Javier Díez de Díez+Díez Diseño, Luis Eslava e Lorena Sauras de Luis Eslava Studio, Gabriela Schiavon e Gerard Sanmartí de La Granja, Isaac Piñeiro de Nadadora Studio, Martín Azúa e os galegos Xabier Rilo, Manuel del Río e Ricardo Tubío de Cenlitrosmetrocadrado.

Os deseñadores comentaron os proxectos dos alumnos, puxeron en común experiencias e coñecementos, e tamén reflexionaron con eles acerca dos cambios na cultura gastronómica actual que están a demandar unha reformulación da vaixela tradicional.

Cursos para o verán no Taller de Litografía Milpedras

info@asociaciondag.org (Asociación Dag) — Wed, 10 Aug 2011 08:08:00 GMT

O Taller de Litografía Milpedras acaba de abrir o prazo de inscrición nos seus cursos para o mes de agosto e setembro. A programación didáctica inaugúrase cunhas Xornadas de autoedición gráfica para artistas que Alberto Carballido impartirá do 22 ao 27 de agosto en horario de 16.00 a 20.30 h. O obradoiro está concibido para achegarlles o concepto de edición de contidos gráficos e visuais a todas aquelas persoas interesadas en autoeditar os seus propios traballos ou en complementar as súas creacións con material gráfico de calidade.

Entre o 1 e o 3 de setembro desenvolverase o Curso intensivo de placas solares, impartido por Yuli Andrea Cadavid e centrado en técnicas de gravado non tóxico ou menos tóxico. Trátase de técnicas que buscan ofrecer unha alternativa máis saudable e respectuosa co medio ambiente, sen renunciar por iso ao potencial expresivo e creativo da práctica artística do gravado. Yuli Andrea Cadavid será tamén a encargada de impartir á semana seguinte o Curso de introdución á litografía en pedra: o día 8 e o 9 de setembro en horario de 16.00 a 20.30 h da tarde e o 10 de setembro de 10.00 a 14.00 da mañá e de 16.00 a 20.30 h da tarde.

A oferta de Milpedras para o verán aínda se completa con dous cursos máis: o curso Libro de artista: o libro como obxecto de expresión e creación, a cargo de Jim Lorena, do 13 ao 17 de setembro e o Curso de litografía sen auga (waterless lithography) con Esteban Moreno, entre o 20 e o 24 de setembro, e dirixido a gravadores, artistas visuais, deseñadores gráficos e público en xeral.

Taller de Litografía Milpedras
Brasil n.º 3, baixo
15009 A Coruña

Máis información no enlace Cursos Milpedras

Arqueología tipográfica. La evolución de los caracteres de palo seco

info@asociaciondag.org (Asociación Dag) — Wed, 03 Aug 2011 10:10:13 GMT

Inauguramos hoxe unha nova sección nas noticias da DAG. Nela pretendemos dar conta da participación dos nosos socios en actividades de investigación, publicacións, conferencias, mesas de debate, obradoiros… ao redor da disciplina do Deseño e que contribúan á formación continua e á reflexión.

Animamos pois, a todos os socios a participar nesta sección que hoxe se estrea cunha publicación da editorial valenciana especializada en tipografía Campgràfic. Trátase do libro Arqueología tipográfica. La evolución de los caracteres de palo seco, escrito polo socio da DAG, Marcos Dopico, a partir da tese de doutoramento que defendeu na Universidade de Vigo en 2009. Tal e como o seu título apunta, trátase dunha revisión histórica da evolución da tipografía san serif desde a súa orixe a finais do século XIX ata os nosos días, e que presta unha especial atención aos revivals e reinterpretacións históricas creadas nos últimos dez anos.

Algunhas das preguntas xurdidas nesta investigación son debates actuais. As letras de pau seco superaron o filtro da lecturabilidade en textos longos, ou continúan sendo letras de percorrido curto na lectura? As novas letras de pau seco representan unha nova revolución ou son simples reelaboracións de antigos modelos tipográficos? O retorno das tipografías de pau seco é o resultado dunha incapacidade para elaborar novos modelos, ou atopámonos ante unha homenaxe a certos modelos tipográficos que non alcanzaron as súas metas no momento da súa aparición?

A etiqueta de modernidade acompañou a tipografía sen remates desde que Jan Tschichold elevara esta categoría aos altares do deseño. A súa evolución vai parella ao desenvolvemento histórico de todos os períodos da modernidade, desde a época premoderna, as vangardas históricas, o proxecto moderno e a posmodernidade. O campo tipográfico continúa aberto e as san serif erixíronse nun modelo en constante crecemento do que este libro ofrece unha análise da que se poderá servir o deseñador gráfico no seu traballo diario e o estudoso para coñecer versións novas e os seus antecedentes.

Algunhas imaxes do libro neste enlace ao Flickr.

Ficha do libro:
Arqueología tipográfica. La evolución de los caracteres de palo seco. Valencia: Campgràfic, 2011.
Autor: Dopico Castro, Marcos.
ISBN: 978-978-8496-65-6
n.º de páxinas: 254

Os encontros de Sargadelos 2011 analizarán a relación entre o Deseño e a Gastronomía

info@asociaciondag.org (Asociación Dag) — Tue, 26 Jul 2011 08:08:52 GMT

A relación entre o Deseño e a Gastronomía será a protagonista do Taller internacional de tendencias cerámicas que nesta corenta edición traerá a Cervo a deseñadores de todo o mundo para que intercambien e compartan as súas experiencias.

As actividades que conforman o programa deste ano son:

1) Un obradoiro aberto á participación de deseñadores de produto, ceramistas, estudantes e investigadores de calquera das disciplinas implicadas.

2) O taller experimental: Deseño industrial, arte e gastronomía contemporánea, que desenvolverá un grupo de deseñadores industriais.

3) Unha exposición sobre a Escola de Ulm.

O obradoiro

O obradoiro, que tratará de analizar a interacción entre o Deseño e a Gastronomía nas distintas vertentes, desenvolverase entre o 1 e o 12 de agosto baixo a supervisión da profesora Marta Rois.

Os participantes recibirán clases teóricas e tamén poderán investigar e experimentar no taller de Sargadelos durante a primeira semana e á semana seguinte trasladaranse á planta do Castro para confeccionar os prototipos.

O obradoiro persegue que os alumnos aprendan a mirar doutro xeito os alimentos e afonden na concepción de obxectos e artefactos que optimicen a súa degustación.

Deseño industrial, arte e gastronomía contemporánea

A principal novidade deste ano está en que de xeito paralelo ao obradoiro se desenvolverá tamén o taller experimental: Deseño industrial, arte e gastronomía contemporánea, e no que participarán os deseñadores industriais Xabier Rilo, Manuel del Río e Ricardo Tubío de Cenlitrosmetrocadrado, Luis Eslava e Lorena Sauras de Luis Eslava Studio, Martín Azúa, Isaac Piñeiro de Nadadora Studio, Javier Díez de Díez+Díez Diseño, Gabriele Schiavon e Gerard Sanmartí de La Granja e Xènia Viladàs.

Alén dos participantes nos dous talleres tamén está prevista a presenza da ourive, Mayelín Guevara, e da deseñadora gráfica, Giselle Monzón, que se achegarán ata a Mariña para presentarlles aos asistentes do encontro o seu traballo e falar sobre a súa experiencia profesional.

Exposición modelos de Ulm 1953-1968

Considerada en certo sentido a herdeira da Bauhaus, a Escola de Ulm desempeñou un papel fundamental na integración do proceso de deseño no proceso de industrialización e contribuíu a dotar de carácter metodolóxico o proceso de creación.

Fundada en 1953, e cun equipo docente do que formaron parte Max Bill, Friedrich Vondemberge-Gildewart, Otl Aicher, Tomás Maldonado e Hans Gugelot, entre outros, a especial metodoloxía educativa da Escola de Ulm, coñecida como modelo de Ulm, axudou ademais a definir o rol do deseñador industrial profesional e continúa aínda hoxe influíndo na ensinanza do deseño.

Forman parte da exposición, fotografías de gran formato, paneis de texto, liñas do tempo, pezas gráficas, bosquexos, produtos e vídeos... obxectos cos que se tenta reflectir a ampla variedade de enfoques teóricos da corrente alemá.

Permanecerá aberta ao público todos os días da semana do 4 de agosto ao 4 de setembro nas salas de exposición municipais no Complexo Histórico de Sargadelos en Cervo (Lugo).

Horario de visita: de 10.00 a 14.30 e de 17.00 a 21.00 horas.

Consulta o dossier con toda a información:

Publicada no BOE a convocatoria dos Premios Nacionais de Deseño 2011

info@asociaciondag.org (Asociación Dag) — Mon, 18 Jul 2011 12:12:36 GMT

Desde o pasado 14 de xullo, o día seguinte á publicación no BOE da convocatoria, permanece aberto o prazo para a presentación de candidaturas aos Premios Nacionais de Deseño 2011 nas súas dúas modalidades: profesional e empresa.

Os candidatos
Poderán ser candidatos na modalidade profesional, os profesionais ou equipos de profesionais de nacionalidade española, independentemente do país en que desenvolvan a súa actividade, con:

a) Traxectoria constante, recoñecida e notoria tanto entre outros profesionais do deseño, coma no mercado e nos medios de comunicación durante un mínimo de 15 anos.
b) Achega amplamente recoñecida ao progreso do deseño e a innovación españois, mediante publicacións, actividades de investigación ou docencia.

Na modalidade empresas, as empresas con maioría de capital privado que actúen en España, con:

a) Traxectoria consolidada e amplamente recoñecida no campo do deseño de polo menos 10 anos.
b) Utilización do deseño para a innovación.
c) Coherencia na estratexia empresarial e resultados positivos no mercado.
d) Calidade conceptual e técnica nos seus produtos e xestión.
e) Beneficios en sustentabilidade logrados a través dun uso eficiente do deseño e do seu proceso.
f) Capacidade para transmitir valores á sociedade e contribuír á promoción e valorización do deseño.

As candidaturas deberán ser presentadas por persoas ou institucións distintas ao candidato.

A contía
A contía dos Premios Nacionais de Deseño na modalidade profesional é de 30.000 euros, mentres que na modalidade empresa teñen unicamente carácter honorífico.

Data límite
O prazo para a presentación de candidaturas remata o 16 de setembro.

Descarga a convocatoria do BOE en PDF:

Alumnos da Enxeñaría Técnica da EUDI deseñan como proxecto fin de carreira un modelo de coche sen condutor para Seat

info@asociaciondag.org (Asociación Dag) — Mon, 11 Jul 2011 14:02:30 GMT

Por segundo ano consecutivo e no marco do acordo de colaboración subscrito entre a Escola Universitaria de Deseño Indutrial da UDC e Seat, os alumnos da EUDI presentáronlles a semana pasada aos responsables da empresa de automoción as súas propostas para un novo modelo de coche.

Nesta edición, o desafío proposto por Seat ao inicio do curso consistía en deseñar un coche automático de baixo custo e adaptado aos novos perfís de usuario. Este ano ademais, os proxectos debían realizarse de xeito individual, e non en grupo coma o ano pasado cando os alumnos tiveran que traballar no deseño dun coche de baixo consumo.

Entre as propostas dos estudantes, 56 en total, puideron verse coches que se reconverten en oficinas e equipados con grafeno, que permite aplicar pantallas táctiles nas ventás ou proxectar películas; modelos coma o Seat Caneiro, pensado para viaxar e con asentos que se transforman en camas, ou outros coma o Utopía, con forma de pelota de tenis e cableado exterior.

Deseños para satisfacer as necesidades de ata doce perfís sociais: pais traballadores, bohemios e neohippies, parellas sen fillos... e que buscan dotar de novas funcionalidades o interior dun vehículo, posto que nun coche que se conduce só o condutor pode facer outro tipo de cousas mentres se despraza.

O convenio entre a EUDI e Seat xa lle dera a oportunidade a tres estudantes o ano pasado de formarse na compañía, e este ano tres máis, seleccionados de entre todos os participantes, realizarán as súas prácticas no Centro de Deseño en Martorell.

X Edición de Mundos Dixitais

info@asociaciondag.org (Asociación Dag) — Tue, 05 Jul 2011 17:05:39 GMT

Do 6 ao 9 de xullo celébrase na Coruña Mundos Dixitais, o Festival Internacional de Animación, Efectos Especiais, Videoxogos e Arquitectura Dixital.

O intenso programa deste ano arranca o mércores, cunha primeira xornada dedicada á arquitectura dixital, mentres que ao día seguinte, o cine e a animación serán os protagonistas. O xoves será ademais o día en que se poidan ver os últimos proxectos desenvolvidos neste ámbito polas empresas galegas Moonbite Games, Perro Verde Films e Otiiplanet.

Os últimos avances en publicidade acapararán toda a atención durante a mañá do venres e xa pola tarde será a quenda das conferencias, con dúas das intervencións máis agardadas: a de Eric Roth e a do supervisor de efectos especiais na película Orixe, Astrid Busser.

O festival pecharase o sábado coa entrega do premio especial a Alvy Ray Smith, cofundador de Pixar.

Esta décima edición do festival presenta como novidade a celebración do I Foro de Educación para a Industria co fin de propiciar a comunicación e o intercambio de experiencias entre os representantes da industrias e os centros educativos. No marco deste encontro tamén está prevista a realización de procesos de recrutamento por parte dalgunhas empresas interesadas en incorporar novos talentos aos seus equipos.

Lugar: Sede da Fundación Caixa Galicia
Cantón Grande 21-24
15003 A Coruña

Máis información na páxina de Mundos Dixitais

Cinco anos de Asociación Galega de Deseñadores

info@asociaciondag.org (Asociación Dag) — Thu, 30 Jun 2011 10:10:35 GMT

Hoxe cúmprense cinco anos da constitución da Asociación Galega de Deseñadores e daquela primeira asemblea, un 30 de xuño de 2006, no Auditorio de Galicia en Santiago de Compostela. O proxecto de crear unha asociación de deseñadores non era novo en Galicia, onde xa desde mediados dos oitenta se comezaran a ensaiar algunhas tentativas, sen moito éxito por outra parte.

Tratábase pois dun novo intento neste país de minifundio, unha asociación de deseñadores gráficos e industriais que nacía grazas ao impulso duns poucos —Uqui Permui, Pepe Barro, Javier Pérez, José Ramón Méndez, Antonio Doñate e M.ª del Rosario Domínguez son os nomes da primeira Xunta Directiva que figuran na acta fundacional— pero que cinco anos despois se converteu xa no proxecto colectivo de moitos.

Os comezos non foron fáciles, sobre todo porque a DAG é unha asociación sen ánimo de lucro que se sustenta grazas ás cotas dos seus socios. Malia a todo, foi medrando, consolidándose e embarcándose en proxectos cada vez máis ambiciosos na medida en que as súas posibilidades llo permitían: Da idea á rúa, En torno da Baskerville, O ollo na rúa, Diálogos, as edicións dos PechaKucha, 032, o feet, soaranvos a todos.

Nos últimos tempos, iniciativas coma Acción DAG, que entra agora na segunda fase de desenvolvemento, ou a elaboración dunha programación estable para a nova sede da DAG mobilizan as enerxías da Xunta Directiva.

Algo se fixo xa, pero cómpre facer moito máis en cuestións, por exemplo, como a divulgación da cultura da deseño na sociedade ou o tema dos concursos. Tamén na reivindicación do traballo dos profesionais galegos que xa non só poden competir en calidade co deseño que se fai fóra, senón que ademais posúen un coñecemento máis profundo da realidade e do contexto no que viven.

Moitos plans, en fin, porque a nena é moi nova e quédalle un longo camiño que percorrer por diante. Por iso, pese a que os aniversarios son datas especialmente propicias para botar a vista atrás, a DAG mira ao futuro.

IV Curso de divulgación científica na sociedade: Transmisión e información. A importancia do deseño e a configuración da mensaxe

info@asociaciondag.org (Asociación Dag) — Thu, 23 Jun 2011 10:10:00 GMT

A Universidade da Coruña dedica esta IV edición do Curso de divulgación científica na sociedade á importancia da imaxe e do deseño na configuración das mensaxes.

O programa do curso que se celebra o 6 e o 7 de xullo na sala de prensa da reitoría da UDC, arranca o venres pola mañá coas conferencias do vicerreitor de Cultura e Comunicación da UDC, Luís Caparrós, e de Manuela Mariño, deseñadora na Voz de Galicia.

Xa pola tarde, desenvolverase unha mesa redonda que leva por título Transmisión da información a través do deseño e na que participarán o presidente da DAG e profesor de Deseño na UVigo, Marcos Dopico, a deseñadora gráfica, tamén membro da DAG, Uqui Permui, o vicedecano da Facultade de Belas Artes da Uvigo, Fernando Suárez, e Javier Barreira, account manager de Elogia.

O curso clausurarase o sábado cun obradoiro de deseño impartido por outro socio da DAG, neste caso, Daniel Bembibre, e que durará todo o día.

Toda a información e matrícula, aquí.

Obradoiros de creación Artesanía/Deseño

info@asociaciondag.org (Asociación Dag) — Thu, 16 Jun 2011 10:10:47 GMT

Un deseñador de moda e un artesán serán os encargados de impartir conxuntamente cada un dos tres obradoiros de creación que se desenvolverán do 4 ao 6 de xullo na Facultade de Belas Artes de Pontevedra en horario de 10.00 a 14.00 da mañá e de 16.00 a 19.00 da tarde.

Resultado desta combinación son as parellas formadas polo deseñador de moda Carlos Díez e o cesteiro Carlos Fontales, por Natalia Pérez e Jorge Bolado da firma American Pérez e a tecelá Anna Champeney e por Nando Cornejo de Potipoti e mais a cesteira Idoia Cuesta.

Os obradoiros, que son gratuítos, están organizados polo Grupo de Investigación DX7 da Universidade de Vigo ESDEMGA e coordinados por Rocío Gómez, Cristina Varela e Silvia García, baixo a dirección de Lola Dopico.

Para anotarse, hai que cubrir a folla de inscrición e enviala xunto co teu currículo ou portfolio e mais unha pequena explicación acerca dos teus motivos para inscribirte a info.esdemga@uvigo.es antes do 30 de xuño.

Máis información na páxina de ESDEMGA

Benvido á DAG, Daniel

info@asociaciondag.org (Asociación Dag) — Fri, 10 Jun 2011 19:07:24 GMT

Chámome Daniel Costas e, aínda que nacín en 1978 en Vigo, desde hai algo máis de tres anos vivo na Guarda. Estudei Delineación, pero a miña curiosidade por todo o que ten que ver co estilo, percepción, cor, forma e tipografía levoume a formarme en Deseño Gráfico, as máis das veces, dun xeito autodidacta.

Na actualidade traballo no Porriño, nunha empresa do sector TIC, de nome Visual MS. Son o responsable de Deseño e algunhas das miñas funcións son a xestión da imaxe de marca, o desenvolvemento das pautas gráficas en varios soportes e con varios fins, e a definición do look and feel da interface do software que fabricamos.

Creo que en Galicia o bo deseño nin se entende nin se valora y iso repercute negativamente na consideración do deseñador. As empresas non acaban de comprender cal é a función do deseño, non o aproveitan como ferramenta estratéxica nin o utilizan para axudar a comunicar de forma coherente e diferencial, mellorar funcionalmente os produtos e servizos, propoñer novas formas de uso, etc. En definitiva, que non se explotan todas as súas posibilidades. Ademais, aínda existe unha idea xeneralizada de que deseñar é saber usar un programa de edición gráfica e “poñer bonito” en “cero coma” co único criterio do gusto persoal.

Na miña opinión, tampouco axuda moito a mellorar a situación do deseño galego que os talentos opten por desenvolver as súas carreiras profesionais fóra de Galicia. Persoalmente, a miña gran carga de morriña contribuíu a que nin se me pasase pola cabeza marchar. E supoño que, malia ás adversidades, teño fe no potencial do deseño “feito na casa” e en que, pouco a pouco, se irá consolidando unha cultura do deseño tamén aquí.

Por último, e agora que xa formo parte do club, creo que pertencer á DAG é unha forma de acreditarte como profesional. E tamén penso que a unión fai a forza, e que canta máis unión, máis grande será esa forza que fará que o deseño, en Galicia, consiga o respecto e o recoñecemento que merece.

Obradoiro Pedra, papel, imprenta de Gràffica

info@asociaciondag.org (Asociación Dag) — Tue, 07 Jun 2011 08:08:23 GMT

Gràffica organiza o próximo 16 de xuño en Santiago de Compostela o obradoiro para deseñadores gráficos: Pedra, papel, imprenta.

Trátase dunha actividade lúdica pensada para que os deseñadores entren na imprenta e experimenten coas técnicas e materiais. Durante a sesión que durará case catro horas, os participantes realizarán un cartel que logo terán que imprimir, o que lles dará a oportunidade de probar e xogar coas texturas, papeis e tintas.

É de balde e para inscribirvos só tedes que enviar un correo cos vosos datos a anagea@grafficainfo antes do 12 de xuño.

Día: xoves, 16 de xuño de 2011
Hora: 16.00 - 20.30 h
Lugar: Eurográficas Pichel · Polígono Industrial Boisaca
Rúa José Villar Granjel, 33 · 15890 Santiago de Compostela
Prazo de inscrición: ata o 12 de xuño
Máis información en: Obradoiro Pedra, papel, imprenta

A nova casa da DAG

info@asociaciondag.org (Asociación Dag) — Wed, 01 Jun 2011 10:10:16 GMT

A Asociación Galega de Deseñadores abandona o seu antigo fogar e estrea casa en Compostela.

Desde marzo, a nova sede oficial da DAG está na Trisca, no barrio de San Pedro. Plenamente instalados tras a mudanza, todos aqueles que queirades visitarnos xa podedes facelo concertando unha cita no teléfono 691 230 421 ou no enderezo electrónico info@asociaciondag.org, calquera destes dous días: mércores de 10.00 a 14.00 h e venres de 17.00 a 21.00 h.

Velaquí tedes o enderezo completo:
Centrosociocultural A Trisca
Corredoira das Fraguas, 92
15703 Santiago de Compostela

Estamos no despacho do 2º andar, neste momento, perfilando a que será a programación da DAG para os vindeiros meses. Estade atentos, que haberá noticias!

As mellores xogadas de Acción DAG

info@asociaciondag.org (Asociación Dag) — Wed, 25 May 2011 19:07:17 GMT

Todos os que por algún motivo vos perdestes a presentación de Acción DAG e a posterior mesa de debate: Radiografía do deseño galego que o pasado 6 de maio se celebrou en Santiago de Compostela, tedes agora unha nova oportunidade grazas ás gravacións realizadas por algúns dos socios da DAG que estiveron presentes.

A montaxe é de Uqui Permui, e desde o sábado todo o material está dispoñible en YouTube: cinco vídeos cunha duración que oscila entre os 15 e os 5 minutos, e que recollen a introdución de Marcos Dopico, as posteriores intervencións de Pepe Barro e Manuel del Río, Uqui Permui e Óscar Otero, Suso Vázquez e José Ramón Méndez, e por último, a conclusión de Emanuela Saladini.

Durante o desenvolvemento da mesa, tamén se puideron ver as imaxes dos traballos dos deseñadores que participan en Acción DAG, proxectadas nunha pantalla, razón pola cal a iluminación da sala é tan pobre ._.!

Todos os vídeos aquí.

Cada día somos máis!

info@asociaciondag.org (Asociación Dag) — Fri, 20 May 2011 18:06:59 GMT

Amodiño e sen facer ruído, pero así é: a DAG medra! E cada día son máis os nomes que se van sumando a esa xa longa listaxe de socios da web. Entre estes novos habitantes da DAG que foron chegando nos últimos meses están María Agra, Diego Carracedo, Víctor Núñez, Puri Díaz, Manuel del Río, Ricardo Tubío ou Xabier Rilo, caras novas ás que agora temos que engadir as de Raquel e Irene.

Conscientes como somos de que o principal valor dunha asociación son as persoas, non queremos que este capital pase desapercibido por máis tempo e decidimos traelo á portada. A partir de agora, por aquí irán desfilando todos os novos socios e como alguén tiña que ser o primeiro, comezamos con estas dúas mozas que elas mesmas se presentan:

"Somos Irene e Raquel, ou o que é o mesmo, ekinocio. Estudamos Publicidade e RRPP en Pontevedra, e levamos desde o 2005 facendo da creatividade o noso medio de vida. O noso pequeno obradoiro de soños está na zona vella de Compostela. Alí facemos e desfacemos, xogamos con cores, formas e letras, probamos materiais... damos xeito aos proxectos alleos converténdoos nos nosos. Como case todos os que se dedican a isto dámoslle a moitos paus distintos, desde as imaxes corporativas ata as webs, pasando por todo tipo de gráfica aplicada, pero recoñecemos que o papel aínda nos ten cativadas.

Asociámonos á DAG porque cremos na conciencia do colectivo, na mellora e dignificación da profesión, na filosofía de compartir e non competir... porque queremos participar e vemos nisto unha forma xenial de facelo."

Desmontando tópicos sobre o deseño galego

info@asociaciondag.org (Asociación Dag) — Wed, 11 May 2011 11:11:54 GMT

O deseño galego esperta interese, ou cando menos iso parece, a teor do numeroso público que o venres pola tarde ateigaba o Auditorio do CGAC en Compostela na presentación de Acción DAG. Ese día, na mesa de Acción DAG, sete deseñadores compartiron con todos os asistentes as súas reflexións e dúbidas acerca do papel do deseñador e do deseño na sociedade.

Abriu o debate, o presidente da DAG, Marcos Dopico, quen comezou por destacar a importancia do escenario no que nos situamos. Nun momento como o actual en que as fronteiras e o contorno perden importancia, onde cada vez máis se confunden os referentes locais e internacionais, e as empresas apostan por crear produtos similares en todo o mundo, facilmente reproducibles e exportables, emerxe con forza un deseño, neutro, homoxéneo e “internacional”.

O traballo dos deseñadores, e dos galegos en particular, non é alleo a estas circunstancias e na súa opinión a internacionalización ten unha dobre lectura: unha positiva porque supón a equiparación do deseño galego co deseño que se fai en calquera outro lugar do mundo, pero por outra banda aparece o risco da despersonalización, da perda da identidade.

Esta tensión entre o global e o local, a tradición e a modernidade é precisamente un dos retos aos que se enfrontan os deseñadores galegos actuais e a causante de que estean a transitar camiños novos e a ensaiar estratexias e fórmulas, cada un na procura dunha resposta propia e persoal a ese desafío.

Para Pepe Barro que nos preguntemos acerca da identidade do deseño galego é positivo e sinónimo de rebeldía fronte ás tendencias homoxeneizadoras dominantes. Na súa opinión este debate non é novo, e xa nos oitenta os profesionais tiveron que reflexionar sobre este tema á hora de resolver a cuestión da identidade gráfica galega. Para el, a clave está na actitude do profesional, o deseñador debe traballar sen prexuízos e cun espírito crítico que o leve a cuestionar todo, ata o máis evidente. Profundo coñecedor da cultura galega, cre que non hai que ter medo a mesturar referencias (Castelao ou Ródchenko) porque o que “un é” á forza deixa unha pegada no seu traballo. Considera tamén que correr riscos é inevitable nun oficio coma o de deseñador que precisamente esixe que continuamente se estea a “reinventar”.

Manuel del Río defendeu a implicación do deseñador no tecido social do país co fin de melloralo. Na súa opinión, ese pretendido “valor engadido” que algúns lle atribúen ao deseño garda unha estreita relación coa economía. Desde esta perspectiva, o valor do deseño sería unicamente económico, algo que serve para vender máis. En cenlitrosmetrocadrado cren que o deseño posúe moitos máis valores e que está na man do deseñador optar por apoiar modelos de crecemento alternativo, respectuosos co patrimonio, coa cultura e coa xente. Por exemplo, sempre se fala da tradicional eiva industrial do país, mais tamén é certo que Galicia conta cunha longa tradición artesanal. Por que non tirar proveito desa riqueza establecendo modelos de colaboración cos artesáns, na liña de iniciativas como a de Elías Cueto, e do seu deseño María, unha cadeira de madeira de castiñeiro, e que constrúen carpinteiros locais. Experiencias coma esta son a proba de que é posible facer mobles de calidade e orixinais mediante prácticas colaborativas entre os distintos axentes locais e os deseñadores, e ao tempo pór en valor a nosa capacidade artesanal e os materiais autóctonos.

Uqui Permui que centrou a súa intervención no eido da edición, comezou por sinalar que só na Feira de Frankfurt se presentan cada ano uns 400.000 títulos novos. Trátase dunha cifra elevada, mais cantos destes libros están ben editados? Na súa opinión, tendo en conta o interese crecente polos novos medios e a perda da sensibilidade do papel, cada vez será máis necesario un plus que xustifique o libro impreso e ese plus depende en boa medida do traballo do deseñador. Quixo resaltar tamén o papel uniformador da rede, que é o global por excelencia, e a contradición que supón á hora de traballar, o feito de que teñamos que usar as mesmas ferramentas para dar respostas a problemas que se cadra non son tan globais.

O deseñador web, Óscar Otero, lembroulles a todos que pese ao que poida parecer, o deseño web non é unha disciplina tan nova. A isto aínda hai que engadir que se trata dun medio sempre en continuo cambio e movemento e que avanza a unha velocidade prodixiosa. Na súa opinión aos deseñadores custounos entender a web e esa é unha das causas de que non aproveitemos todas as posibilidades que nos ofrece. Internet non ten só unha dimensión visual, e o deseñador debe interesarse por todas esas outras dimensións, pola arquitectura da información, polo código, polas bases datos. Comparte totalmente a idea formulada por Bruce Mau no seu Manifesto incompleto de que o deseñador debe inventar as súas propias ferramentas. De aí que na Navalla suíza exista un departamento I+D+C, precisamente con este obxectivo de desenvolver aplicacións adaptadas ao que eles fan, ou mellor aínda, ao que pensan que poden facer.

Para Suso Vázquez, o deseño é comunicación. Porén, tanto el coma o seu compañeiro en Desescribir, Cibrán Rico, notan que a linguaxe do marketing e da publicidade ten un peso excesivo na sociedade e, sobre todo, no deseño. Ao seu ver, aínda que falar de deseño é falar de dar forma visual a unha idea, isto non ten nada que ver coas modas e habería que empezar a desterrar concepcións superficiais coma esta. Este labor correspóndelle en primeiro lugar aos deseñadores, pero tamén á sociedade, porque o deseño fano os deseñadores pero tamén o resto da sociedade e, sobre todo, a industria gráfica á que se lle debería esixir que aposte e asuma máis riscos neste sentido.

Conscientes de que representan un caso especial —son dous arquitectos que se dedican ao deseño gráfico— cren que iso lonxe de ser unha pexa é unha oportunidade, porque teñen a firme convicción de que calquera disciplina que busca referencias só dentro dela se autolimita. E por suposto, o deseño non é unha actividade menor fronte á arquitectura. Do mesmo que xeito que tampouco concordan con esa idea tan espallada do deseño como algo pegado que suma: o deseño ten valor de seu.

O director da EUDI, José Ramón Méndez, tamén nunha liña crítica coa concepción do “deseño como valor engadido” asegurou que esta visión corresponde a xente allea ao deseño e que interpreta mal, pero que non existe na práctica. Precisamente son conceptos coma este ou o do deseño como “ocorrencia” os causantes da enorme confusión existente ao redor da profesión de deseñador.

Recoñece neste desprestixio unha certa culpa por parte dos propios deseñadores, sempre fascinados polo último proxecto que teñen entre mans. Valoramos por enriba de todo a actividade creativa, pero non habería que descoidar tampouco o ámbito da investigación. Lamentou profundamente a escaseza de artigos e publicacións de referencia sobre o tema e confesou que, nesta materia, aínda queda un longo camiño por percorrer.

Por último, na era da fascinación pola tecnoloxía, non quixo deixar de reivindicar o aspecto humanista e o contexto cultural como dous referentes que sempre deberían guiar o traballo dos profesionais e que curiosamente non adoitan cambiar tanto.

Finalmente, a presentadora do acto, Emanuela Saladini, deu por finalizada a sesión tras recordar unha experiencia desenvolvida polo artista francés, Christian Boltanski, coñecido polas súas instalacións, e que consistía na elaboración dun inventario de obxectos de varias mulleres. Segundo o propio artista, tratábase de obxectos que non dicían nada das mulleres que había detrás e, ao parecer da investigadora do Departamento de Arte da USC, velaquí radicaría o auténtico valor do deseño: aquel capaz de conseguir que os obxectos digan algo das persoas e que nos permite recuperar o pracer estético da obra.

Desde o venres, todos os traballos dos deseñadores gráficos e industriais galegos participantes en Acción DAG poden verse en: Acción DAG

A gran cita co deseño galego

info@asociaciondag.org (Asociación Dag) — Tue, 26 Apr 2011 14:02:51 GMT

Só quedan dez días para que se presente Acción DAG, o último proxecto da Asociación Galega de Deseñadores e que ben se podería cualificar como o evento do deseño galego do ano.

Esta iniciativa que ten como finalidade visibilizar os traballos dos deseñadores gráficos e industriais do país, botou a andar a finais de xaneiro cando se lanzou a convocatoria para que os estudios enviasen unha mostra dos mellores traballos nas distintas categorías: deseño gráfico, web, de produto... e o vindeiro 6 de maio, ás 18.00 h, é o día elixido para presentar publicamente o proxecto.

Máis de 30 estudios daranse cita no CGAC para demostrar a boa saúde do deseño galego, un sector que nos últimos anos soubo poñerlle ao mal tempo boa cara e facer unha aposta clara pola calidade e a creativade, e da que agora se poden ver os resultados.

Ese día terá lugar tamén a presentación da web Acción DAG, unha plataforma na rede para mostrarlle ao mundo os traballos dos profesionais galegos e desde a que reinvidicar o nivel do deseño made in Galicia.

A investigadora Emanuela Saladini do Departamento de Historia da Arte da USC e profesora do Máster en arte, museoloxía e crítica contemporáneas será a encargada de presentar unha escolma que reúne os mellores traballos dos profesionais galegos dos últimos dous ou tres anos.

A continuación, celebrarase unha mesa de debate que leva por título Radiografía do deseño galego, e na que participarán Pepe Barro (Grupo Revisión), Óscar Otero (A navalla suíza), Uqui Permui (Uqui-Cebra), José Ramón Méndez, director da EUDI, Suso Vázquez (Desescribir), Manuel del Río (Cenlitrosmetrocadrado) e Marcos Dopico, deseñador gráfico e profesor de Deseño na Facultade de Belas Artes da UVigo.

Tanto os relatorios como unha recompilación dos mellores traballos da web quedarán plasmados nunha publicación que verá a luz nos próximos meses.

Aínda que Acción DAG é un proxecto da Asociación Galega de Deseñadores, está patrocinado pola Axencia Galega das Industriais Culturais (Agadic) e colabora tamén o Centro Galego de Arte Contemporánea.

Máis información en: Acción DAG
Entrada libre
Día: venres, 6 de maio
Hora: 18.00 h
Lugar: Auditorio do CGAC

ESAD World Graphics Day

info@asociaciondag.org (Asociación Dag) — Wed, 20 Apr 2011 11:11:41 GMT

A Escola Superior de Artes e Deseño de Matosiños conmemora o próximo 27 de abril o Día Mundial do Deseño Gráfico cun evento comisariado polo investigador José Bártolo e que reunirá a 27 dos máis destacados deseñadores portugueses.

Alva, Andrew Howard, António Modesto, Aurelindo Jaime Ceia, Bolos Quentes, Carlos Guerreiro, Dorindo Carvalho, Eduardo Aires, Emanuel Barbosa, Ivone Ralha, Francisco Providência, Joana & Mariana, João Alves Marrucho, João Faria, João Vinagre, Jorge dos Reis, José Brandão, Jorge Silva, Manuel Granja, Martino & Jaña, Moda Lisboa, Nada, Pedro Falcão, Ricardo Mealha, Rui Silva, Valdemar Lamego, Vera Tavares é a nómina dos participantes neste acto que consistirá en presentacións de 20 imaxes x 20 segundos x 27 deseñadores.

Entrada libre
Data: mércores, 27 de abril 2011
Hora: 16.00 h
Lugar: Cine Teatro Constantino Nery (Matosiños)
Reservas:
ewgday@esad.pt
229 578 750

A navalla suíza nominada aos Premios Mestre Mateo por Eufalo.tv

info@asociaciondag.org (Asociación Dag) — Wed, 13 Apr 2011 10:10:41 GMT

Dous anos despois de gañar o Premio Mestre Mateo á Mellor Obra Interactiva con Flocos.tv, A navalla suíza repite nominación. Desta volta por Eufalo.tv, un documental colaborativo que, utilizando o vídeo como ferramenta fundamental, busca construír unha historia sobre o galego a partir de vivencias e experiencias contadas polos seus falantes.

Os outros nominados nesta categoría son Perro Verde Films, Milrayas e a editorial Galaxia por Contoplanet, Galegolab por Galegolab e Continental Producciones, editorial Galaxia e Moonbite Games por O soldadiño de chumbo, un conto interactivo para IPAD.

Os gañadores desta edición desvelaranse o vindeiro domingo, 17 de abril, nunha gala conducida polo actor Xosé Antón Touriñán e a xornalista Belén Regueira, e que comezará ás nove da noite no Auditorio Municipal de Ourense.

O libro do IV Premio Enor na final dos Premios Visual

info@asociaciondag.org (Asociación Dag) — Thu, 07 Apr 2011 17:05:01 GMT

O pasado martes, 5 de abril, tivo lugar a gala de entrega dos Premios Visual de Deseño de Libros que convoca anualmente a revista Visual e cos que pretende destacar os deseños das mellores publicacións editadas en español, galego, catalán, éuscaro e portugués.

Entre os finalistas nesta VIII edición, cómpre destacar o traballo de Cibrán Rico e Jesús Vázquez (Desescribir), seleccionado na categoría de libro institucional promocional/de empresa e que finalmente foi recoñecido cun diploma polo xurado.

CICLO DE CONVERSAS DESIGN+MULTIMÉDIA

info@asociaciondag.org (Asociación Dag) — Mon, 04 Apr 2011 21:09:59 GMT

A deseñadora gráfica Joana Monteiro e mais a artista Laetitia Morais abren mañá ás 17.00 h un ciclo de conversas que se enmarca dentro dos cursos de Licenciatura e Mestrado en Deseño e Multimeda da Facultade de Ciencias e Tecnoloxía da Universidade de Coímbra e que cada martes do 5 de abril ao 3 de maio contará coa presenza de dous profesionais de diferentes áreas creativas.

Entrada libre

Lugar
Museu da Ciência – Anfiteatro
(Laboratorio Chimico)
Largo Marquês de Pombal, Pólo I, Coimbra

Transmisión online en Plexo.eu

Consulta o programa

A sección de infografía que dirixe Álvaro Valiño en Público, premiada con sete Malofiej

info@asociaciondag.org (Asociación Dag) — Wed, 30 Mar 2011 14:02:01 GMT

Un dos socios da DAG, Álvaro Valiño, acaba de regresar de Pamplona do 19 Cumio mundial de Infografía Malofiej que como cada ano por estas datas se celebra na cidade e onde o pasado 25 de marzo tivo lugar a entrega de premios á mellor Infografía do ano. Público, o diario no que Álvaro dirixe a sección de infografía quedou terceiro na categoría impresa só por detrás do The New York Times, con once premios, e do National Geographic, con dez, o que supón todo un éxito para un diario novo e pequeno coma o seu.

Entre os seus traballos premiados pola Society for New Desing (SNDE-e), prestixiosa organización internacional que vela pola calidade do deseño xornalístico encóntranse Los abuelos de Alonso, merecente do Malofeij de ouro; El pulso informativo del año e Cuadernos de viajes, galardoados co Malofiej de prata e Radiografía de la posesión en el clásico, Juegos Olímpicos de invierno, Tramas y procesos e Los siete países implicados en el Plan Cóndor, gañadores na categoría de bronce.

Flickr do departamento de infografía de Público

O volume da luz

info@asociaciondag.org (Asociación Dag) — Mon, 28 Mar 2011 11:11:39 GMT

O volume da luz, unha exposición de Arturo Álvarez que se pode visitar na galería Factoría de Santiago de Compostela ata o 21 de maio.

A mostra reúne algúns dos seus deseños máis coñecidos coma nevo ou gea, lámpadas en silicona con formas curvas e envolventes que evocan formas femininas e da natureza.

Obxectos cos que pretende volver ás orixes, á fonte, onde a luz, e a forma e materia se mesturan con delicadeza para dar lugar a uns obxectos belos e sutís que emocionan e non deixan indiferente.

IV Pechakucha Night Ferrol

info@asociaciondag.org (Asociación Dag) — Thu, 24 Mar 2011 15:03:22 GMT

Día: 25 de marzo de 2011

Hora: 22.20 h

Lugar: Teatro Jofre (Ferrol)

Información e entradas

Exlibris Gallaeciae. Dos libros de Galicia permanecerá aberta ao público ata o 25 de maio

info@asociaciondag.org (Asociación Dag) — Mon, 21 Mar 2011 20:08:51 GMT

Amplíase deste xeito tres meses máis o prazo para visitar esta exposición con sede no Arquivo da Cidade de Cultura e que xa visitaron máis de 60.000 persoas no que vai de ano.

Exlibris Gallaeciae. Dos libros de Galicia, comisariada polos académicos da Real Academia Galega, Xosé Ramón Barreiro e Xosé Luís Axeitos, e deseñada por Barro Salgado Santana (Grupo Revisión Deseño), reúne un total de 83 libros, códices ou manuscritos que dan testemuño da singularidade cultural de Galicia e que nos recoñecen como pobo.

Os seus creadores, nunha clara homenaxe á estrutura do libro, dividiron a mostra nun prólogo e catro capítulos: Da identidade, Da lingua, Do coñecemento e Do país. Cinco espazos, cada un cunha banda sonora propia, que lle permiten ao visitante facer un percorrido polo proceso de construción da identidade galega desde os primeiros textos romanos que comezan a definir un territorio co nome de Gallaecia ata o primeiro libro electrónico en galego.

A exposición contén xoias bibliografícas coma o Breviarium Auriensis, o primeiro libro impreso en Galicia, un manuscrito do s. XIV de A Crónica Troiana, a obra máis importante da prosa galega medieval, o primeiro mapa do Reino de Galicia, as cuartillas manuscritas do Sempre en Galiza de Castelao ou mapas cartografados do Atlas Lingüístico Galego.

A editorial DARDO presenta unha nova revista dedicada á arquitectura e o deseño: Dardo magazine_architecture + design

info@asociaciondag.org (Asociación Dag) — Wed, 16 Mar 2011 20:08:11 GMT

Esta nova publicación de DARDO comparte cabeceira coa súa xa coñecida revista de arte contemporánea, Dardo magazine, que a partir de agora se desdobra en dúas: Dardo magazine_contemporary art e Dardo magazine_architecture+design, con temáticas diferentes.

David Bravo e Paulo Reis, os directores de DARDO, queren deste xeito abrir a revista a novas disciplinas e colaboradores e, aínda que a arte contemporánea continuará sendo o eixo central en ambas as publicacións, esta centrarase en explorar as relacións entre arte, arquitectura e deseño.

Neste primeiro número de Dardo magazine_ architecture + design cómpre destacar as entrevistas con arquitectos coma Andrés Jaque, deseñadores coma Fernando Brízio ou Tejo Remy e artistas coma Olafur Eliasson, a propósito da súa colaboración co arquitecto Henning Larsen para un novo centro de concertos e conferencias en Reiquiavik. Tamén se inclúen reportaxes de artistas que traballan a medio camiño entre a arquitectura e o deseño, coma os alemáns Winter & Hörbelt ou Moholy-Nagy, así como unha serie de exposicións e noticias sobre a actualidade da arquitectura, o deseño gráfico e industrial, a arte e a publicidade. A entrevista central sitúase na casa do artista Julião Sarmento, co autor da mesma, o arquitecto Carrilho da Graça e outros personaxes próximos á traxectoria do artista coma o deseñador Miguel Rios, a escritora Clara Ferreira Alves ou a galerista portuguesa Cristina Guerra.

As portadas de Dardo magazine_architecture+design foron realizadas especificamente para DARDO por Julião Sarmento coa colaboración da actriz Sasha Grey, nova diva de Steven Soderbergh e protagonista da súa última película The gilfriend experience e coñecida actriz porno. Da portada, realizada en Malibú (EUA) fíxose unha edición especial de 90 exemplares, numerada e asinada por DARDO.

Igual que sucedía coa revista orixinal, Dardo magazine_architecture + design terá versión en español, portugués e inglés.

Máis información en Dardonews

Sistema Diseño gaña o premio Festival Igloo na categoría de Imaxe Corporativa

info@asociaciondag.org (Asociación Dag) — Fri, 25 Feb 2011 09:09:02 GMT

A principios deste ano deuse a coñecer o fallo do xurado no concurso de deseño Festival Igloo, organizado polo grupo papeleiro Torraspapel.

Co lema Creatividade e innovación sostibles, o concurso premiaba novas ideas creativas centradas no uso dos papeis reciclados.

O estudio coruñés Sistema Diseño resultou gañador na categoría de Identidade Corporativa. Telefónica, un estudio de Valencia e un de San Sebastián, foron os gañadores nas categorías de Informes Anuais, Edición e Varios.

O traballo de Sistema Diseño é unha presentación corporativa enfocada ao mercado internacional onde Mobalco, fabricante de cociñas de alta gama, mostra a esencia da súa filosofía e política empresarial baseadas no termo ECO-FRIENDLY.

Taller de re-deseño: moedeiro, carrete, zoco, barricada

info@asociaciondag.org (Asociación Dag) — Tue, 22 Feb 2011 11:11:47 GMT

David Castro imparte un taller de redeseño todos os sábados do 26 de febreiro ao 26 de marzo no Macuf.

O taller está orientado á formalización de obxectos utilitarios mediante a remontaxe de materiais que se encontran ao final dunha cadea de consumo.

Trátase de realizar propostas de reutilización e reprogramación de materiais de refugallo orientados cara un uso cotián en forma de pequenos artefactos.

Obxectos insurrectos considerados como antimecanismos que cumpren temporalmente unha función; utensilios primordialmente empáticos, afectivos; dispositivos que propoñen unha reaprendizaxe crítica, poética a través da nudez dos obxectos.

O deseñador gráfico Alberte Permuy, na exposición Graphispag 2011

info@asociaciondag.org (Asociación Dag) — Tue, 15 Feb 2011 10:10:22 GMT

Alberte Permuy foi seleccionado para participar na exposición que se exhibirá en Graphispag, xunto con outros recoñecidos deseñadores como os premios nacionais de Deseño Óscar Mariné, Peret, America Sanchez, Alberto Corazón, Josep Pla-Narbona, Yves Zimmermann, Pepe Cruz Novillo, Carlos Rolando e Daniel Nebot.

Graphispag encargoulles a 46 deseñadores unha colección de carteis sobre os valores do produto impreso. As obras exporanse o próximo mes de marzo durante a celebración do certame e formarán parte dun libro conmemorativo dos 45 anos de Graphispag como a feira de referencia da industria gráfica española.

O cartel de Alberte Permuy, titulado Colortest, é un deseño en 3D dun test de cor de impresión en offset que representa unha futurista cidade das artes gráficas.

Recollendo unha das principais inquietudes das empresas gráficas, esta iniciativa bautizada co nome GG45 reivindica a vixencia e as posibilidades de futuro da impresión sobre papel ou outros soportes en plena era de Internet e das novas tecnoloxías. Para Albert Isern, deseñador e coordinador deste proxecto, "o principal logro é que Graphispag conseguiu implicar diferentes xeracións de deseñadores con linguaxes e estilos gráficos moi diversos nunha causa común coa industria gráfica para reclamar e facerlle ver á sociedade o protagonismo que merece o produto impreso como forma de comunicación, de expresión artística e como elemento de información, divulgación e de desenvolvemento económico".

O elevado nivel da colección de carteis demostra o bo momento creativo que atravesa o deseño español. Albert Isern explica que, aínda que a exposición GG45 está vinculada á celebración do 45 aniversario de Graphispag (1966-2011), a vista está posta no futuro. Por iso é polo que, "en realidade sexan 45+1 deseñadores os que participen no proxecto, nun intento por representar con estas cifras a tradición e a historia e, ao mesmo tempo, a continuidade e o futuro da comunicación gráfica", aclara Isern.

A exposición inaugurarase o 22 de marzo no pavillón 2 do recinto de Gran Via de Fira de Barcelona. Así mesmo, estase traballando para que a mostra sexa itinerante por varias cidades españolas durante 2011.

Marujas Creativas gañan o Premio Gourmand

info@asociaciondag.org (Asociación Dag) — Mon, 07 Feb 2011 13:01:13 GMT

Marujas Creativas gañan o Premio Gourmand ao mellor deseño dun libro de cociña en España con Santiago(é)tapas, un libro de receitas redactado en tres idiomas: galego, español e inglés, e que promociona Santiago e a súa gastronomía.

A publicación, editada por Turismo de Santiago en colaboración con Baía Edicións e con fotografías de idNespereira, competirá agora cos gañadores de cada país na categoría de deseño de libro de cociña polo título Best in the world.

Os premios Gourmand World CookBook foron creados en 1995 por Edouard Cointreau e cada ano distinguen as mellores publicacións sobre alimentos e viño do mundo.

Convocatoria Acción DAG 11 - Participa ¡¡¡

info@asociaciondag.org (Asociación Dag) — Fri, 21 Jan 2011 15:03:46 GMT

ACCIÓN DAG 11

A Convocatoria ACCIÓN DAG 11 é unha iniciativa da Asociación Galega de Deseñadores destinada a amosar e poñer en valor os últimos proxectos de deseño feitos en Galicia ou por diseñadores/as galegos/as, por unha parte utilizando a plataforma web como medio de difusión inmediato, e por outra coa vista posta en futuras publicacións que reflictan o mellor do deseño galego. A través desta convocatoria aberta pretendemos abrir un novo espazo para amosar os nosos traballos, e convertelo nun referente para as empresas, institucións, estudantes e xente interesada no deseño e na cultura en xeral.

Desde a DAG confiamos en que esta acción fomente as relacións profesionais e culturais para o noso colectivo.

CONVOCATORIA

Cada deseñador/a, estudio, axencia ou colectivo poderá enviar ata cinco proxectos creados nos últimos dous anos e valoraranse especialmente aquelas propostas máis inéditas. Nun futuro, esta convocatoria de Acción DAG preténdese que teña unha periodicidade anual.

A DAG velará por unha correcta difusión dos proxectos e imaxes enviados, e só serán utilizados dentro das actividades inscritas en Acción DAG 11.

O envío dos proxectos implica a aceptación destas bases.

A comisión de traballo para Acción DAG resérvase o dereito a realizar unha escolma de proxectos.

FORMATOS

Cada proxecto debe incluír:

Imaxes representativas (entre 5 e 8) en formato jpg e en calidade alta.

Ficha do proxecto, na que se indique:

Nome do estudio / axencia / deseñador/a ou colectivo.

Colaboradores (fotógrafo, ilustrador, tipógrafo...)

Nome do proxecto

Cliente

Ano

Categoría (Identidade corporativa, tipografía, gráfica aplicada, web, audiovisual, mobiliario, stand, industrial, editorial, embalaxe, etc...)

No caso da exposición de vídeos, deberán enviar o enlace á Vimeo, Youtube ou similares.

Texto descritivo do proxecto

Outros datos de interese

DATAS

Nesta primeira convocatoria recibiranse proxectos ata o día 28 de febreiro. A partir desta data comezaranse a mostrar na web da DAG (www.asociaciondag.org).

ENVÍOS

Para os envíos dos proxectos poderanse utilizar os seguintes medios:

1. Directamente a través do correo electrónico a acciondag@asociaciondag.org (prégase non enviar correos de máis de 8 megas).

2. A través de sitios web de descarga tipo Rapidshare, Megaupload, Sendspace etc...) enviando o enlace.

3. A través de Dropbox, compartindo os arquivos coa dirección acciondag@asociaciondag.org

Prégase claridade nos envíos. Para calquera dúbida, poden poñerse en contacto coa asociación DAG en acciondag@asociaciondag.org

Descarga a convocatoria e a ficha de proxecto.

A DAG comeza o ano cunha nova Xunta Directiva e con moitos proxectos

info@asociaciondag.org (Asociación Dag) — Mon, 17 Jan 2011 15:03:04 GMT

A Asemblea Xeral da DAG elixe por unanimidade a Marcos Dopico como presidente para os próximos catro anos. Segundo Fernández será o novo vicepresidente e Natalia Crecente substitúe na secretaría da DAG a José Ramón Méndez que pasa o ocupar o posto de vogal.

Javier Pérez continúa como tesoureiro da DAG, mentres que os vogais da Asociación serán Uqui Permui, Lía Santana, Óscar Otero, Martiño Villaverde, Alberto Rodríguez e José Antonio Pérez.

Ademais da renovación do equipo de Goberno, a Asemblea Xeral aprobou a introdución nos Estatutos das seguintes modificacións relativas á condición de socios DAG:

- Créase a figura do socio novel, co fin de facilitarlles a todos aqueles deseñadores e deseñadoras que comezan a súa carreira profesional a incorporación á DAG. O socio novel gozará dos mesmos dereitos e deberes que un socio ordinario, pero durante os dous primeiros anos na asociación poderá solicitar unha redución do 50 % na cota trimestral.

- Establécese que os socios estudantes tras finalizaren os seus estudos pasen automaticamente a seren socios noveis ou ordinarios segundo a súa situación.

- Fíxase a cota estudante nun 15 % da cota de socio ordinario.

Na xuntanza tamén se discutiron algunhas propostas como a redacción dun documento marco de análise da situación do sector estratéxico do deseño en Galicia e presentouse a próximo proxecto da DAG: Acción DAG 11. Trátase dunha iniciativa destinada a amosar os últimos proxectos de deseño feitos en Galicia ou por deseñadores/as galegos/as. O obxectivo principal é poñer en valor os proxectos desenvolvidos polos socios/as da DAG, por unha parte utilizando a plataforma web como medio de difusión inmediato; e por outra, coa vista posta en futuras publicacións que reflictan o mellor do deseño galego. A través desta convocatoria aberta preténdese abrir un novo espazo para mostrar os traballos dos socios, e convertelo nun referente para as empresas, institucións, estudantes e xente interesada no deseño e na cultura en xeral.

Finalmente, acordouse retomar o traballo de difusión do labor da DAG nos centros formativos de deseño en Galicia (escolas superiores e facultades). Natalia Crecente e José Ramón Méndez serán os coordinadores do grupo de traballo para este fin.

Asemblea Xeral da DAG

info@asociaciondag.org (Asociación Dag) — Wed, 05 Jan 2011 17:05:18 GMT

Os socios da Asociación Galega de Deseñadores reúnense en Asemblea Xeral o venres, 14 de xaneiro, en Santiago de Compostela.

Aproveitando que se acaban de cumprir catro anos de vida da asociación, Uqui Permui, a actual presidenta, fará un balance da actividade desenvolvida ata o momento; seguidamente procederase a elixir a nova Xunta Directiva e abrirase un debate acerca das perspectivas de traballo e liñas de actuación para o futuro.

Día: 14 de xaneiro de 2011
Hora: 18.00 h
Lugar: Galería Sargadelos, Rúa Nova, 16, 15705 Santiago de Compostela

Congreso anual da Design History Society 2011. Deseño activista e cambio social

info@asociaciondag.org (Asociación Dag) — Thu, 23 Dec 2010 17:05:13 GMT

Esta conferencia ofrece unha oportunidade importante de participar no desenvolvemento da investigación histórica do activismo do deseño aos estudantes de deseño, os académicos e os profesionais.

A fundación Historia do Deseño agradece a presentación de investigacións orixinais que axuden a profundizar e a ampliar a nosa comprensión das súas prácticas e contextos, teorías e discursos.

As especialidades do deseño que esta conferencia inclúe son, aínda que non de forma exclusiva, tanto profesionais como amateurs: deseño industrial, deseño artesán, deseño gráfico, deseño téxtil, deseño de moda, urbanismo, deseño de espazos, deseño de interiores, deseño dixital e deseño de servizos.

8-10 de Setembro de 2011, Barcelona

Sedes: Facultade de Historia da Arte da Universitat de Barcelona e ADI FAD

Coordinador: Guy *Julier

Organiza: Fundació Historia del Disseny, Barcelona

www.historiadeldiseno.org/congres/index.html

Se non queres caldo...

info@asociaciondag.org (Asociación Dag) — Tue, 21 Dec 2010 18:06:13 GMT

A AFEDA (Asociación para o Fomento da Encadernación de Arte), en colaboración co Museo das Peregrinacións de Santiago e co financiamento da Consellería de Cultura e Turismo da Xunta de Galicia convoca un Concurso Internacional de Deseño e Encadernación para un libro do peregrino no que os deseñadores teñen que pagar por participar.

Convocatorias coma esta semella que confirmen que no tema dos concursos de deseño sempre se cumpre a lei de Murphy. Neste caso, non só se recorre á fórmula dun concurso, no que se lles pide aos participantes que deseñen, constrúan e encadernen o Libro do peregrino de balde, senón que por riba deben aboar unha cota de 125 euros por participar e facerse cargo eles mesmos dos gastos de devolución das obras.

A Asociación Galega de Deseñadores laméntase de que iniciativas coma esta, que non fan máis que contribuír a perpetuar ideas como a de que calquera pode deseñar ou a de que o traballo do deseñador non ten valor ningún -todos deben enviar propostas polas que non percibirán remuneración- se financien con cartos públicos.

A isto aínda cómpre engadir o descoñecemento do medio que amosan os convocantes. Cuestións como a imaxe a ou a identidade dunha institución, empresa... resultan vitais hoxe en día e, xa que logo, deben ser abordadas dun xeito profesional e serio.

Convocatoria do Concurso peregrino

O feet tipográfico

info@asociaciondag.org (Asociación Dag) — Mon, 13 Dec 2010 10:10:41 GMT

O feet tipográfico arranca este xoves 16 de decembro ás 11.00 da mañá na Casa das Campás co workshop: Introdución ao deseño de tipografía impartido por Andreu Balius, un dos deseñadores de tipos máis recoñecidos do panorama nacional.

O tipógrafo catalán que dirixe desde 2002 o seu estudio Typerepublic, conta cunha ampla experiencia docente: é profesor asociado da Facultade de Ciencias Sociais e da Comunicación na Universidade Pompeu Fabra e percorreu xa medio mundo (México, Francia, A Arxentina, Italia...) dando conferencias e realizando cursos e talleres.

É o autor do libro Type at work. Usos de la tipografía en el diseño editorial, e de numerosos capítulos de libros e tamén de artigos sobre o tema publicados en revistas especializadas.

O taller ten como obxectivo pór en práctica os fundamentos do deseño de tipografía, partindo dunha base teórica e resolvendo algunhas das cuestións técnicas implícitas no proceso de deseño.

Descarga o programa:

Clausura do feet edición 2010

info@asociaciondag.org (Asociación Dag) — Sun, 05 Dec 2010 12:12:48 GMT

Clausúrase a primeira parte do feet 2010 dedicada á edición. Aquí podedes ver unha pequena mostra de todo o que deu de si: flickr do feet 2010, pero lembrade que a partir do xoves 16 de decembro volvemos á Casa das Campás co feet tipográfico.

Comeza o feet!

info@asociaciondag.org (Asociación Dag) — Thu, 02 Dec 2010 19:07:16 GMT

O director de Agadic, Juan Carlos Fasero, e representantes da DAG inauguraron oficialmente o feet nunha rolda de prensa que tivo lugar ás 11 da mañá na Casa das Campás.

A continuación, Pepe Murciego deu comezo ao taller de edición e xestión de revistas de arte experimentais que se desenvolverá entre hoxe e mañá; e o sábado, despois da mesa redonda do feet, será cando presenten ao público a edición especial que están realizando entre todos os participantes.

A DAG no Culturgal

info@asociaciondag.org (Asociación Dag) — Sat, 27 Nov 2010 11:11:10 GMT

A Asociación Galega de Deseñadores acode este ano á Feira das Industrias Culturais para promocionar o feet, o foro de edición e tipografía 2010, que arranca este xoves, día 2, na Casa das Campás en Pontevedra.

A DAG quere aproveitar tamén a magnífica plataforma do Culturgal para achegarse ao gran público e para dar a coñecer o labor desta asociación que agrupa a deseñadores gráficos e industriais de toda Galicia.

A Asociación Galega de Deseñadores é unha asoaciación sen ánimo de lucro que se fundou en 2006 e que desde entón traballa para alcanzar os seguintes obxectivos:

- Impulsar o deseño galego e defender os intereses dos deseñadores galegos.

- Dar a coñecer e implicar os deseñadores no tecido empresarial do país.

- Reivindicar que o deseño ten un valo de seu, e que as empresas e as institucións públicas que coidan este aspecto están a engadir valor á súa actividade.

- Crear canles de comunicación entre os profesionais e tamén entre estes e os futuros profesionais, os estudantes das escolas de deseño, co fin de favorecer o diálogo e a reflexión sobre aquelas cuestións que máis lles preocupan e interesan a todos.

Presenza galega na bid_10

info@asociaciondag.org (Asociación Dag) — Wed, 24 Nov 2010 11:11:38 GMT

Tres traballos de deseñadores galegos seleccionados para representar a España na exposición da bid_10. Hachedè visual do estudio lugués Sond3 diseño&desarrollo foi o traballo destacado polo Xurado Internacional da II Bienal Iberoamericana de Deseño na categoría dixital.

Os outros dous seleccionados foron a identidade da Librería Formatos de Xosé Teiga, na categoría de gráfico, e o traballo de Desoños: Grupo de Teatro Chévere - http://www.grupochevere.eu/.

A bid é unha mostra de Deseño Iberoamericano que se celebra cada dous anos en Madrid, convocada e organizada pola Central de Diseño e Dimad (Asociación de Deseñadores de Madrid e Fundación Deseño Madrid), e que aspira a converterse nunha das citas máis importantes de promoción do deseño contemporáneo que se realiza en Latinoamérica, España e Portugal.

Os temas transversais da presente edición que se desenvolverá entre o 22 e o 26 de novembro en Matadero Madrid son “Deseño para todos” e “Deseño para o desenvolvemento”.

Máis información en bid_10

9º Concurso Internacional de Cartelismo Publicitario Francisco Mantecón

info@asociaciondag.org (Asociación Dag) — Fri, 19 Nov 2010 23:11:46 GMT

Bodegas Terra Gauda mostra ao público por primeira vez os máis de 1.600 carteis de 58 países de todo o mundo que participaron no 9º Concurso Internacional de Cartelismo Publicitario Francisco Mantecón.

A exposición reflicte as tendencias do deseño mundial nun percorrido artístico que serve para reivindicar a vixencia do cartelismo na sociedade actual e poderá visitarse na Estación Marítima de Vigo ata o martes 7 de decembro, en horario de 10.00 a 14.00 e de 17.00 a 20.00 h.

Máis información en: http://www.franciscomantecon.com/2010/

A DAG estará en Co-Creation

info@asociaciondag.org (Asociación Dag) — Mon, 15 Nov 2010 11:11:32 GMT

A DAG participa este martes 16 de novembro en Co-Creation, un encontro organizado por Agadic (Axencia Galega das Industrias Culturais) e por Addict (Agência para o Desenvolvimento das Indústrias Criativas de Portugal).

Nesta xornada, que se enmarca dentro do programa europeo CREATIVA, participan representantes da produción gráfica, do audiovisual, a música e as artes escénicas co obxectivo de favorecer o coñecemento e o intercambio de experiencias e contactos empresariais entre o sur de Galicia e o norte de Portugal.

Durante a sesión da mañá terán lugar varias mesas redondas con representantes dos distintos sectores implicados a ambos os lados da fronteira. Xa pola tarde, as firmas galegas e portuguesas acreditadas disporán de tempo e espazo para establecer contactos directos con outras empresas e participar en xuntanzas de curta duración, para o que contarán co apoio da organización.

Máis información en Creativacultural

ICONOTYPO

info@asociaciondag.org (Asociación Dag) — Tue, 09 Nov 2010 16:04:03 GMT

ICONOTYPO

Este outono a tipografía está de moda! En decembro o feet, e agora chega ICONOTYPO, as II xornadas de deseño gráfico e tipografía que se celebrarán na Facultade de Ciencias Sociais e da Comunicación da Universidade de Vigo o vindeiro 18 e 19 de novembro.

Participarán no evento:

- Raquel Pelta da Escola Elisava e da Universidade de Barcelona
- José Luis Martín Montesinos de Campgráfic e da Politécnica de Valencia
- Jordi Cano da Universidade Pompeu Fabra
- Ricardo Rousselot cun taller que leva por título: A Caligrafía hoxe
- José Ramón Penela, para falar da súa web unostiposduros.com

Descarga o programa e inscríbete aquí.

Organización:
Dr. Pedro Pablo Gutiérrez
Joel Bucio Juárez

Itinerarios

info@asociaciondag.org (Asociación Dag) — Wed, 03 Nov 2010 00:12:33 GMT

Mario Eskenazi, Premio Nacional de Deseño 2000, falará mañá 4 de novembro sobre comunicación no marco das Xornadas de arquitectura e deseño organizadas pola Comisión de Cultura da Delegación en Lugo do Colexio Oficial de Arquitectos de Galicia e a EASD Ramón Falcón de Lugo

Lugar: Salón de Actos de Caixa Galicia (Praza Santa María, Lugo)

Hora: 19.00 h

Entrada libre

Máis información: http://xornadasarquitecturaedeseno.blogspot.com/

Feet 2010

info@asociaciondag.org (Asociación Dag) — Sat, 30 Oct 2010 14:02:07 GMT

A DAG organiza o feet 2010, un foro de edición e tipografía que durante os días 2, 3, 4, 16, 17 e 18 de decembro traerá a profesionais da talla de La Más Bella e de Andreu Balius a Pontevedra.

Pepe Murciego e Diego Ortiz, coeditores de La Más Bella, serán os encargados de abrir o feet cun taller de edición e xestión de revistas de arte experimentais dirixido a profesionais (editores, deseñadores, artistas visuais, escritores); e a semana seguinte, será a quenda do deseñador catalán, Andreu Balius, co seu taller de tipografía.

Seis días de intensa actividade, nos que haberá exposicións, presentacións de libros, debates... nos que se analizarán as últimas tendencias e proxectos emerxentes no ámbito editorial, nun foro que pretende ser un espazo para o intercambio de ideas e para a reflexión sobre o futuro da edición.

O Foro está patrocinado por AGADIC e conta coa colaboración da Universidade de Vigo e mais de Creativa cultural (Industria Cultural Galicia-Norte de Portugal).

Máis información na páxina do feet.

Tenerife Design Festival. Unha semana de deseño nas illas afortunadas

info@asociaciondag.org (Asociación Dag) — Mon, 04 Oct 2010 20:08:03 GMT

Tenerife Design Festival (TDF) é un evento adicado ó deseño que fusiona as tendencias actuais do deseño cos grandes rasgos da identidade canaria.

Do 15 ao 23 de outubro de 2010

+info: www.tenerifedesignfestival.com

Trailer do documental Cuarto creciente: 25 años de diseño en la Comunidad Valenciana

info@asociaciondag.org (Asociación Dag) — Mon, 04 Oct 2010 11:11:07 GMT

Unha película documental sobre o deseño na Comunidade Valenciana con motivo do 25 aniversario da ADCV. Dirixido por Menta (www.mentagrafica.com) para a ADCV coa colaboración de Vixel (www.vixel.es), Cristina Gómez e música de Nacho Martín (www.musicaparalaimagen.es). Estreo en 2011.

Buchstabenmuseum: O museo das letras de Berlín

info@asociaciondag.org (Asociación Dag) — Wed, 29 Sep 2010 17:05:16 GMT

No centro de Berlín, preto da famosa praza Alexanderplatz, atópase o Buchstabenmuseum (Museo das letras, carecteres e tipografías). Fundado no ano 2005 por Barbara Dechant e Anja Schulze, a súa colección está formada por unha infinidade de letras, rótulos tipográficos, letreiros da rúa e todas aquelas manifestacións tipográficas rescatadas das rúas de Berlín e arredores. A filosofía do museo basease no obxecto letra como semiótica textual e comunicación escrita, polo tanto, calqueira letra, artesanal ou industrial que realiza unha función de comunicación no entorno da vida do home é ben recibida nas súa salpe="text/javascript" src="http://www.asociaciondag.org/cms/libs/jlibs/htmlEditor/tiny_mce/themes/advanced/langs/es.js">as

O museo funciona como centro de reciclaxe á vez que realiza labouras de recuperación da memoria histórica ante a homoxeneización da paisaxe gráfica das cidades que impon o fenómeno da globalización. A desterritorialización do deseño das grandes multinacionais está provocando a impersonalización da identidade gráfica de pequenas tendas que pouco a pouco está desparecendo.

Nestes momentos o museo está realizando unha labor de ampliación na súa reciclaxe de letras a outros países, así que se tes localizado un vello rótulo ou unha letra abandoada, quizais poda formar parte dun museo.

Buchstabenmuseum
Berlin 2005–2010
Vereinsregister 25064 NZ
Amtsgericht Charlottenburg
Steuernummer 27/648/51071
www.buchstabenmuseum.de

Linotype: The film

info@asociaciondag.org (Asociación Dag) — Mon, 27 Sep 2010 10:10:03 GMT

Linotype, the film é un documental sobre a mítica máquina de composición de Ottmar Mergenthaler dirixido por Doug Wilson. De momento solo podemos ver o trailer da película.

www.linotypefilm.com

Creative Review Type Annual

info@asociaciondag.org (Asociación Dag) — Mon, 13 Sep 2010 18:06:17 GMT

Xa está aberta a convocatoria para o primeiro Creative Review Type Annual. Organizada pola publicación Creative Review, busca os mellores deseños tipográficos realizados nos últimos 12 meses. O Type Annual espera reunir os mellores deseños tipográficos, os máis innovadores e excitantes dende outubro de 2009 a outubro de 2010.

Para ser seleccionados os tipos de letra deberon ser creados ou utilizados por primeira vez dentro deste periodo de tempo. Os traballos seleccionados aparecerán nun número especial de Creative Review en febreiro.

As categorías son:

Display, Text, ad hoc e Non latinos

Non hai gañadores nin finalistas, e non hai límite no número de tipos de letra seleccionados. Data límite para enviar propostas 22 de outubro de 2010.

+info http://www.creativereview.co.uk/cr-blog/2010/september/creative-review-type-annual

Festa del Grafisme

info@asociaciondag.org (Asociación Dag) — Fri, 10 Sep 2010 13:01:23 GMT

Un encontro aberto en torno á función comunicativa e social do deseño gráfico dende unha perspectiva consciente, serena, "slow", desmarcada do estrés habitual dos entornos nos que se traballa o grafismo. Un encontro para reflexionar e para abrirse.

A localidade de Portbou, onde transcorre o evento, potencia o aspecto "slow" e a súa condición de fronteira, como o grafismo: nas marxes entre a arte e a comunicación, entre a cultura e a empresa, entre a inspiración e a reflexión, entre a cidade e a natureza.

A Festa del Grafisme terá este ano un invitado especial, o mítico deseñador moderno holandés Wim Crouwell, o que fora creador da imaxe gráfica do Stedelijk Museum nos anos 70, director do Museo Boijmans van beuningen e fundador de Total Design, un dos estudios de referencia no deseño europeo e mundial. Organizarase ademáis, xunto con David Quay, unha exposición dos primeiros traballos de Crouwel.

1, 2 y 3 de octubre en Portbou (Girona)

+info www.festadelgrafisme.org

ñh. O mellor do deseño periodístico na Península Ibérica

info@asociaciondag.org (Asociación Dag) — Thu, 09 Sep 2010 12:12:56 GMT

O mellor do deseño periodístico en España e Portugal coñécese por dúas letras: ñ e h. Este xogo entre a ñ española e a ñ portuguesa (nh) tense consolidado como referencia do deseño, no só na península ibérica, senon en todo o mundo.

Os premiso ÑH naceron en 2004 co obxectivo de estimular o deseño periodístico en España e Portugal, dous países veciños por lingua e por medio de diarios. O obxectivo no é so recoñecer a excelencia, senon tamén descubrir boas prácticas ocultas en plublicacións pequenas que rara vez acuden a este tipo de competicións, seguramente acomplexadas polo seu tamaño. Moitos diarios pequenos fan grandes cousas e é imprescindible liberarse de complexos e amosalas ós demais.

Este ano o periódico valenciano Las provincias co-organiza do 10 ó 12 de novembro o séptimo congreso ÑH Lo mejor del diseño periodístico de España & Portugal.

+ info: www.snd-e.com/es/nh

VDW Valencia Disseny Week 2010

info@asociaciondag.org (Asociación Dag) — Thu, 09 Sep 2010 10:10:56 GMT

O próximo 27 de setembro darase o pistoletazo de saída para a segunda edición da Valencia Disseny Week (VDW), unha iniciativa da Asociación de Deseñadores da Comunidade Valenciana (ADCV) que pretende situar a Valencia na axenda internacional dos eventos similares (Milán, Londres, Barcelona, Tokio, entre outros) do sector do deseño, agrupando durante unha semana todas as iniciativas relacionadas co deseño na cidade de Valencia.

+ info en www.valenciadissenyweek.com

VEB Typoart. A tipografía ó outro lado do muro de Berlín

info@asociaciondag.org (Asociación Dag) — Fri, 03 Sep 2010 10:10:40 GMT

En novembro de 2009 cumprironse 20 años da caída do muro de Berlín, do comezo da unificación alemana que rematou definitivamente co “telón de aceiro” que marcou a nova situación política europea despois da Segunda Guerra Mundial. A reunificación en 1990 puxo fin á represión política da RDA e supuxo o inicio dunha nova era. Os símbolos do pasado comunista borraronse rápidamente do mapa, convertidos en souvenirs e o pasado de toda una nación caiu no ostracismo, con os seus cidadáns ansiosos de pasar páxina e esquecer as penurias económicas e políticas. Sen embargo, moitos alemáns perciben hoxe esta reunificación como unha absorción por parte da Alemaña Occidental. O anhelo da unificación tantas veces perseguida trouxo consigo un esquecemento de moitos dos aspectos da cultura da Alemaña comunista, de moitos dos aspectos cotians, dos obxectos e iconos presentes durante 40 anos.

Os produtos, obxectos cotiáns e deseños da RDA provocan ante os ollos cansos e saturados de publicidade na economía de consumo, certa sensación entrañable e inocente dun mundo perdido, revivindo unha estética austera e eficaz desposuída xa de aqueles condicionantes negativos que impoñían as cuestións políticas e económicas.

Neste contexto de nostalxia e recuperación do patrimonio gráfico daquella época, atopámonos coa historia única da Fundición VEB Typoart. A fundición tipográfica VEB Typoart foi creada na Alemaña do Leste en 1948 polo Goberno da República Democrática, resultado da fusión e nacionalización de diversas fundicións en Berlín, Leipzig e Dresden, entre as cales a máis importante fui Schelter & Giesecke. A nova sede estableceuse en Dresden. A fundición VEB Typoart dependía da Zentrag (Druckerei-Zentrale, Einkaufs-und Revisionsgesellschaft mbH) organismo de coordinación das empresas de edición e impresión da RDA. Este organismo encargaba a creación dos tipos de letra que necesitaba, chegando a solicitar expresamente imitacións de tipografías occidentais como Helvetica, Times New Roman o Futura, cuxas licenzas non podían permitirse o luxo de pagar nunha economía empobrecida como a da RDA. A necesidade da creación destas versións propias deu lugar a fontes como Timeless, creada polo equipo de deseño de Typoart en 1982 como versión da Times New Roman, Drescher Grotesk de Arno Drescher (1930) como versión de Futura, Publica (1981-1983) como versión da Optima, ou a Maxima Grotesk, considerada unha versión da Helvetica.

Despois da caída do muro de Berlín en 1989 e da unificación das duas Alemañas, a fundición Typoart privatizouse nunha GmbH (sociedade anónima) pasando a denominarse VEB Typoart GmbH ata a súa desaparición en 1995. As ansias de integración da antiga RDA na economía de mercado e o interese en esquecer o seu pasado político, propiciaron o ostracismo deste legado tipográfico durante a década dos 90. Pero en 2006, un grupo de estudantes da Bauhaus-University de Weimar, denominado Typoart friends, propúxose a recuperación da memoria histórica da fundición Typoart, así como a dos seus deseñadores entre os que se encontran Karl Heinz Lange, Albert Kapv, Herbert Thannhaeuser, Gert Wunderlich, Hildegard Korger, Arno Drescher e Barbara Cain. Entre as reivindicacións deste grupo de estudantes encontrase a esixencia do recoñecemento da labor destos deseñadores e a integración deste patrimonio tipográfico na Alemaña actual reunificada. Para iso crearon un manifesto e editaron a publicación Typoart Freunde co fin de documentar a historia única de VEB Typoart. Pode consultarse o manifiesto na web www.typoart-freunde.de

Esta circunstancia tamén propiciou novas interpretacións e revivals destas fontes tradicionais do outro lado do muro que serviron para recuperar un patrimonio gráfico esquecido por parte dos xóvenes deseñadores gráficos alemanes.

http://www.typoart-freunde.de

Bibliografía. La Barcelona del diseño

info@asociaciondag.org (Asociación Dag) — Wed, 01 Sep 2010 12:12:12 GMT

Nun contexto histórico marcado polas profundas convulsións da transición política española e o auxe do discurso nacionalista de Cataluña, o deseño e a arquitectura proporcionaron a Barcelona os fundamentos da súa nova narrativa urbana: a dunha capital provinciana postindustrial e en decadencia milagrosamente transformada nunha sofisticada metrópole europea, na cidade do deseño. Conceptos como identidade local e modernidade materializaronse así en entornos urbanos e obxectos cotiás ó alcance de todos.

Trazando un percorrido históricamente riguroso, Viviana Narotzky destaca os principais histos na historia recente do deseño barcelonés, dende a súa emerxencia los anos 60, pasando pola euforica dos Xogos Olímpicos de 1992, ata algúns dos traballos máis recentes dos diseñadores de hoxe.

La Barcelona del diseño contempla tanto a práctica profesional como a producción, a venta minorista, a mediación institucional, o proceso de rexeneración urbana, o consumo popular e o uso do mesmo, desenvolvendo un detallado análise da evolución do deseño en Barcelona, o seu significado e valor.

Viviana Narotzky é doutora en Historia do Deseño polo Royal College or Art. É Senior Research Fellow no Royal College of Art e profesora do Master de Historia do deseño xestionado conxuntamente polo Royal College of Art e o Victoria & Albert de Londres. É membro do padroado da Fundació Historia del Disseny de Barcelona, e do comité editorial do Journal of Design History. É autora de numerosas publicacións sobre deseño e cultura material contemporánea.

Narotzky, Viviana. La Barcelona del diseño.
Barcelona: Santa&Cole, Colección Los ojos fértiles, 2007
ISBN:978-84-934626-4-2

http://www.santacole.com/en/catalogo/los-ojos-fertiles

http://bcndesign.narotzky.com/

Vídeo. La Granja. A revolución do cotián

info@asociaciondag.org (Asociación Dag) — Mon, 30 Aug 2010 11:11:08 GMT

Gerard Sanmartí e Gabriele Schiavon, os dous líderes do estudio multidisciplinar La Granja fundado en Barcelona no 2002, falan da sua forma de entender o deseño e de cómo se enfrentan ó desenvolvemento dos proxectos que lles encargan. Entre éstos, centranse especialmente en dous dos seus últimos proxectos, editados por Santa & Cole: o premiadísimo aparca-bicis Key e a cadeira Belloch. ¿Qué teñen en común? Un método de traballo propio, definido por estos creadores como fantasía lóxica.

www.lagranjadesign.com

www.belloch.eu

Vídeo. Entrevista con Thomas Widdershoven do estudio Thonik

info@asociaciondag.org (Asociación Dag) — Fri, 27 Aug 2010 17:05:21 GMT

Thomas Widderhoven, fundador xunto con Nikki Gonnissen do estudio holandés Thonik, explicanos o proceso de creación de varias das identidades visuais desenvolvidas por este estudio con sede en Amsterdam. Thonik ven creando na última década unha importante labor de creación de identidades no sector cultural, reinterpretando o paradiga tradicional dos programas modernos de identidade baseados nun esquema predefinido por un nome, un imagotipo e un logotipo. Os seus malabarismos tipográficos transforman a mensaxe textual en imaxes gráficas invasivas, compostas por unha breve -ou complexa- configuración de letras sobre múltiples variacións que construen o concepto de imaxe corporativa sin renunciar ó concepto de xogo gráfico.

A versión francesa da revista Etapes publica periodicamente na súa web e no seu canal de Vimeo diferentes vídeos co máis destacado da gráfica e da cultura visual.

www.thonikbyyou.com

www.etapes.com

www.vimeo.com/etapesmag

Documental. Ubanized. A documentary film by Gary Hustwit

info@asociaciondag.org (Asociación Dag) — Wed, 18 Aug 2010 11:11:55 GMT

Fai cinco anos, Gary Hustwit comenzou a traballar nun documental que analizaba o mundo do deseño gráfico e o impacto da cultura visual na sociedade a través da historia dunha tipografía lexendaria, a Helvetica. Helveticafilm foi presentado no 2007, ó cal seguiulle Objetified en 2009, un documental sobre o deseño industrial e de produtos e a relación cos obxetos manufacturados que nos rodean. A triloxía completarase agora co terceiro dos documentais deste realizador británico. Urbanized estará adicado ó deseño das cidades, analizará os problemas e as estrategias do entorno urbano cos arquitectos, políticos, constructores e pensadores máis destacados da última parte do século XX. O reto de equilibrar a vivenda, mobilidae, espazo público, o desenvolvemento económico e a política ambiental estan a ser hoxe en día preocupacións universais, sen embargo, moitas destas cuestións están fora do dominio público.

Ao contrario de moitos campos do deseño, as cidades non son creadas na súa totalidade por especialistas ou expertos, senon que moitos axentes contribúen ó cambio urbano, incluíndo os cidadáns comúns, que poden ter un impacto grande na mellora das cidades nas que viven. Urbanized pretende crear un debate global sobre o futuro das cidades. Urbanized está agora en producción e a súa estrea está planificada para 2011.

www.urbanizedfilm.com

Series. Arròs covat

info@asociaciondag.org (Asociación Dag) — Tue, 17 Aug 2010 11:11:20 GMT

“Arròs covat" é unha serie de animación sobre o conflicto de facerse maior e ter a sensación de que as oportunidades pasan por diante. Xavi Masdéu, o seu protagonista, ten 30 anos e unha sensación constante que se lle pasa o arroz. É un deseñador de éxito, moderno, cosmopolita, ten un estudo de deseño gráfico. É reflexivo e inteligente, pero un absoluto incompetente sentimental, o que lle amarga a existencia á súa noiva, Sonia, de quen está completamente namorado, ainda que últimamente non para de mirar con desexo tódalas rapazas coas que se encontra, en especial a Luz, una rapaza que é pura tentación para él. Este feito fará que comence a replantexarse a súa relación con Sonia, e desembocará nunha amarga ruptura sentimental que levaralle a replantexarse todo o seu mundo vital, profesional e sentimental. Despois de recibir un premio Laus, todo se empeza a torcer para Xavi.

Detrás desta serie de culto da televisión catalana está o humor ácido e irónico do ilustrador Juanjo Sáez. Podes ver tódolos capítulos da 1º temporada no blog da serie www.arroscovat.com, seguro que alguns vos sentiredes identificados coas suas aventuras.

Tipografía. Adeus Helvetica, hola Aktiv Grotesk

info@asociaciondag.org (Asociación Dag) — Mon, 16 Aug 2010 11:11:40 GMT

A tendencia ó revival ou remake de tipografías lineales grotescas ó estilo de Helvetica ou Univers, non fai mais que medrar na última década. Esta reinterpretación do estilo suizo internacional -en ocasións como oposición frontal á súa hexemonía- é un asunto contradictorio na última década, na que se veñen creando tipografías neogrotescas con unha intención crítica de ofrecer alternativas ás tipografías máis exitosas pero cuns parámetros moi similares. É o caso de Aktiv Grotesk (2010) do deseñador suizo afincado en Londres Bruno Maag, bautizada como a Helvetica Killer. Maag é un deseñador profundamente crítico coa ubicuidade da Helvetica e coa idea ampliamente extendida de que ésta é a fonte moderna por excelencia. Na súa opinión, o éxito a nivel mundial da Helvetica debese a potentes campañas de marketing da empresa Linotype na súa orixe e, sobre todo, á expansión do ordenador personal Mac nos anos 80 e 90, máis que pola súa calidade no deseño. Neste senso considera a Univers como a tipografía moderna máis consecuente, como a esencia do estilo internacional. Mentres na Escola de Basilea utilizabase maioritariamente a Univers, en Zurich as preferencias inclinabanse máis pola Akzidenz Grotesk e incluso pola Monotype Grotesk 215. Neste senso, Helvetica foi máis un producto que alcanzou o seu maior éxito a posteriori no mundo corporativo e a publicidade en EEUU e Inglaterra, converténdose na fonte "por defecto". Aktiv Grotesk, creada polo equipo de deseño de Dalto Maag, nace polo tanto coa ousada idea de sustituir á Helvetica, ainda que para diferencias ambas fontes sexa necesario unha análise en detalle. Con unha altura x lixeiramente superior, posúe tamén similitudes coa Univers e detalles sutis que pretenden darlle un toque de personalidade.

www.daltonmaag.com

Obxectos da vida cotiá

info@asociaciondag.org (Asociación Dag) — Sun, 15 Aug 2010 23:11:33 GMT

Utilizamolos todolos días. Inflúen nas nosas vidas. Son milleiros. Son tan comúns que incluso rara vez pensamos neles: obxectos ocultos da vida cotiá. Xa sexa un tornillo, unha bolsa de té, un sacacorchos, un clip ou unha cremalleira, estos obxetos son clásicos. Frecuentemente están baseados nunha idea simple e inxeñosa, permanecendo prácticamente inalterados durante décadas. Debido á súa constancia, a utilización eficiente dos materiais e a súa grande utilidade, son os máximos ejemplos de sostibilidade e estética funcional. Coa exposición “Hidden heroes: The Genius of everydaty things” , o Vitra Design Museum presenta 35 de esos clásicos da vida cotiá, falando da súa historia e demostrando a grande trascendencia conceptual e económica que teñen na actualidade.

Hidden Heroes: The Genius of Everyday Things
20 de agosto – 19 de setembro de 2010
Vitra Design Museum
Buckminster Fuller Dome, Vitra Campus, Weil am Rhein. Exposición do Vitra Design Museum en coperación con Hi-Cone
www.hidden-heroes.net

Unha recomendación bibliográfica. The Style of the State. The visual identity of the Dutch government

info@asociaciondag.org (Asociación Dag) — Fri, 13 Aug 2010 09:09:51 GMT

Tradicionalmente, o entorno sociocultural holandés inclúe peculiaridades como unha certa “anarquía oficial” existente favorecida polo apoio e a liberdade das institucións oficiais hacia os deseñadores e o seu traballo, unha apoesta decidida polo deseño que continua unha larga tradición de subvencións culturais que, lonxe de encauzar os resultados hacia unha líña oficialista, permite a adopción de enfoques pouco convencionais.

O propio goberno dos Países Baixos foi durante décadas unha das principais fontes de encargos. Cada ministerio buscaba crear a súa propia forma de expresión visual, individual e singular á vez, e é un cliente envexado polos deseñadores extranxeiros polo seu enfoque audaz e a súa disposición a asumir riscos na creación da súa imaxe visual. Dende principios do século XX, directivos e asesores de empresas adicanse a apoiar a cultura incluindo a promoción do deseño e o seu impacto na sociedade. Estas campañas a menudo foron idealistas, unha reacción natural nun país pequeno rodeado de veciños de fala inglesa, francesa e alemana. Esta situación idílica permitiu a proliferación de identidades visuais en cada un dos órganos de goberno e ministerios durante décadas e provocou un “magnífico caos” que o goberno holandés decidiu eliminar, optando por establecer de novo a orde unificando a súa imaxe. Para iso, no ano 2007 o executivo emplazou a cinco dos máis prestixiosos estudos de deseño de Holanda, baixo concurso público restrinxido, á realización de propostas para a nova identidade visual do goberno que unificaría todos os elementos visuais de comunicación. Os proxectos de Eden design, Thonik, Koeweiden Postma, Total Identity e Studio Dumbar (que finalmente gañaría o concurso) quedan reflexados na publicación “The Style of the State. The visual identity of the Dutch government”. Ademais, os autores do libro, Ed Annink, Fiona Atighi, Hestia Bavelaar, Maaike Molenkamp e Martien Versteegh, realizan unha análise detallada das identidades visuais desenvolvidas para o goberno holandés e os seus ministerios e áreas dende a década dos 60 ata a actualidade, percorrendo de paso a historia do deseño gráfico en todas as súas etapas.

V.V.A.A. The Style fo the State.
The visual identity of the Dutch government.
Idea Books, Amsterdam, 2010.
Isbn: 978-90-815497-2-1

P.D. Se tes a oportunidade de visitar Amsterdam, non te esquezas de facer unha visita á librería Nijhof & Lee, unha das mellores librerías do mundo en temas de deseño e arquitectura.

Nijhof & Lee international booksellers
Staalstraat 13a
1011 JK Amsterdam
www.nijhoflee.nl

Comezamos a traballar coas escolas.

info@asociaciondag.org (Asociación Dag) — Wed, 28 Jul 2010 13:01:59 GMT

Despois da reunión mantida con Gonzalo Porral - Coordinador das escolas de deseño e interlocutor coa ADMON - o pasado mércores, 21 de xullo de 2010, na Consellería de Educación; a Asociación comezará, a partir de setembro, a desenvolver liñas de traballo coas escolas de deseño gráfico e industrial en Galicia. Aproveitando sinerxías e optimizando os recursos a través de diversas iniciativas: posicionamento conxunto sobre obxectivos estratéxicos, acometendo liñas de investigación académica que contribúan a mellorar o coñecemento do sector do deseño en Galicia. Poñendo especial atención no vínculo entre as Escolas e a Asociación, incorporando aos novos Graduados o deseñando obradoiros, xornadas e congresos de deseño (gráfico e industrial). Ademais de presentar anualmente o traballo e beneficios da Asociación e o asociacionismo en Galicia.